ޖަރުމަނުގައި ސަރުކާރު ވައްޓާލުމަށް ބަޣާވާތް ކުރުމަށް ރާވަމުން ދިޔަ ކަމުގެ ތުހުމަތު ކުރެވޭ 25 މީހަކު ހައްޔަރުކޮށްފިއެވެ.
އެ މައްސަލައާ ގުޅިގެން ހައްޔަރު ކޮށްފައިވަނީ ކަނާތު ފިޔައިގެ، ކުރީގެ އަސްކަރިއްޔާއަށް ނިސްބަތްވާ އޮފިޝަލުންތަކެކެވެ. އެގޮތުން އެމީހުން ރާވަމުން ދިޔައީ ރިޝްޓެގް މަޖިލިސް އިދާރާ ހިސޯރުކޮށް ބާރުތައް އެމީހުންގެ ބާރުގެ ދަށަށް ގެނައުމަށްކަމަށް ރިޕޯޓުތައް ބުނެއެވެ.
ރިޕޯޓުތައް ބުނާ ގޮތުގައި މި ބަޣާވާތް ރޭވުމުގައި އިސްކޮށް އުޅުނީ ހިންރިޗް ނަމަކަށް ކިޔާ މީހެކެވެ. އެގޮތުން އޭނާއަކީ ޖަރުމަނުގެ 11 ސްޓޭޓަކުން މި މައްސަލައާ ގުޅިގެން ހައްޔަރު ކުރި މީހުންގެ ތެރެއިން އެންމެ އިސްކޮށް އުޅޭ ކަމުގެ ތުހުމަތު ކުރެވޭ 2 މީހުންގެ ތެރެއިން އެކެއްކަމަށް އެ ޤައުމުގެ ފެޑެރަލް ޕްރޮސެކިއުޓަރުންނާ ޙަވާލާދީ ބޭރުގެ ނޫސްތަކުން ވަނީ ރިޕޯޓުކޮށްފައެވެ.
އެމީހުންނަކީ ޖަރުމަނުގެ މިހާރުގެ ދައުލަތް ޤަބޫލު ކުރުމަށްވެސް ދެކޮޅުހަދާ ބައެކެވެ.
