ކ. މާލެ
|
3 ޑިސެންބަރ 2022 | ހޮނިހިރު 22:39
ބްރެޒިލުގެ ފުޓްބޯޅަ ލެޖެންޑް، ޕެލޭ
ބްރެޒިލުގެ ފުޓްބޯޅަ ލެޖެންޑް، ޕެލޭ
ގެޓީ އިމޭޖަސް
ޕެލޭގެ ބަލިހާލަތު
ޕެލޭގެ ހާލު ގޯސްވެ، އުންމީދު ކަނޑާލައިފި!
 
ކެންސަރަށް ފަރުވާކުރުމަށް ދޭ ކީމޯ ތެރަޕީގެ އަސަރުވެސް މިހާރު ނުކުރޭ

ބްރެޒިލްގެ ފުޓްބޯޅަ ލެޖެންޑު، ޕެލޭގެ ސިއްހީ ހާލަތު ގޯސްވެ، އުންމީދު ކަނޑާލާފައިވާކަމަށް ރިޕޯތުތައް ބުނެފިއެވެ.

އުމުރުން 82 އަހަރުގެ ޕެލޭ ހޮސްޕިޓަލުގައި އެޑްމިޓްކުރީ އޭނާގެ މުޅިހަށިގަނޑު ދުޅަވުމުގެ އިތުރުން ހާޓް ފެއިލިއާއެއްގެ ސަބަބުން ކަމަށް ރިޕޯޓުތައް ބުނެއެވެ. ބްރެޒިލްގެ ސައޯ ޕައުލޯގައި ހުންނަ އަލްބަރޓް އެއިންސްޓެއިން ހޮސްޕިޓަލަށް އޭނާ ގެންދިޔައީ މިދިޔަ އަންގާރަ ދުވަހުގެ ވަގުތެއްގައެވެ.

Advertisement

ޕެލޭ އަންނަނީ ގޮހޮރުގެ ކެންސަރަށްވެސް ފަރުވާ ކުރަމުންނެވެ. ނަމަވެސް ކެންސަރަށް ފަރުވާ ކުރުމަށް ދޭ ކީމޯ ތެރަޕީގެ އަސަރުވެސް މިހާރު ނުކުރާތީ، އުންމީދު ކަނޑާލާފައިވާ ކަމަށް ރިޕޯޓުތައް ބުނެއެވެ.

ޕެލޭ ވަނީ ބްރެޒިލްގެ ގައުމީ ޓީމާއެކު ވޯލްޑް ކަޕްގެ ތަށި ތިން ފަހަރު އުފުލާލާފައެވެ. މިއީ އެއް ކުޅުންތެރިއަކު އެންމެ ގިނަ އަދަދަކަށް ވޯލްޑް ކަޕް ކާމިޔާބުކުރި އަދަދެވެ. ބްރެޒިލާއެކު ޕެލޭ ވޯލްޑް ކަޕް ކާމިޔާބުކުރީ 1958، 1962 އަދި 1970ގައެވެ. އޭނާ ވަނީ ބްރެޒިލް ޓީމަށް ކުޅެދިން 92 މެޗުގައި 77 ލަނޑު ޖަހާފައެވެ.

Advertisement
އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އައިޝަތު ރިޔާޒް
17%
0%
50%
33%
0%
0%
ކޮމެންޓް