ރަހުމަތްތެރިކަމުގެ މެޗުގައި ޖަރުމަނުން އޮމާން ބަލިކޮށްފި

ފީފާ ވޯލްޑް ކަަޕަށް ތައްޔާރުވުމުގެ ގޮތުން ކުޅުނު ރަހުމަތްތެރިކަމުގެ މެޗުގައި ޖަރުމަނުން އޮމާން ބަލިކޮށްފިއެވެ.

އޮމާންގެ ސުލްތާން ޤަބޫސް ކޮމްޕްލެކްސް ސްޓޭޑިއަމްގައި ކުޅުނު މެޗު ޖަރުމަނުން ކާމިޔާބުކުރީ 1-0 އިންނެވެ. މެޗުގެ ފުރަތަަމަ ހާފުގައި ވެސް ޖަރުމަނުން ވަނީ ލަނޑު ޖެހުމަށް މަސައްކަތްކޮށްފައެވެ. އެ ޓީމަށް ލިބުނު ރަނގަޅު ފުރުސަތުތަައް ދިޔައީ ބޭނުން ނުކުރެވިއެވެ.

މެޗުން ޖަރުމަނު މޮޅުވީ މެޗުގެ ފަހު 10 މިނެޓުގެ ތެރޭގައި ޖެހި ލަނޑުންނެވެ. މެޗުގެ 80 ވަނަ މިނެޓުގައި ކައި ހަވާޓޭޒް ތަނަވަސްކޮށްދިން ފުރުސަތަކުން ޖަރުމަނަށް ލީޑު ނަގައިދިނީ ނިކްލަސްއެވެ. އެންމެ ފަހުން ޖަރުމަނު ކުޅުނު ހަތް މެޗުގެ ތެރެއިން އެ ޓީމު ބަލިވެފައިވަނީ އެންމެ މެޗަކުންނެވެ. އެއީ ޔުއެފާ ނޭޝަންސް ލީގުގައި ހަންގޭރީ އަތުންނެވެ.

ހަތަރު ފަހަރު މުބާރާތް ކާމިޔާބުކޮށްފައިވާ ޖަރުމަނު މި ފަހަރު އޮތީ ސްޕެއިން، ކޮސްޓަރިކާ އަދި ޖަޕާނާއެކު ގްރޫޕް އީގައެވެ. އެންމެ ފަހުން 2018 ވަނަ އަހަރު ރަޝިޔާގައި ބޭއްވި މުބާރާތުން ޖަރުމަނު ކެޓީ ގްރޫޕް ސްޓޭޖުންނެވެ.