ޔުނައިޓެޑުގެ ނަތީޖާ އަކީ ޓެން ހާގަށް ބަލައިގަނެވޭ ނަތީޖާއެއް ނޫން

އިނގިރޭސި ޕްރިމިއާ ލީގުގައި އެސްޓަން ވިލާއާ ދެކޮޅަށް މެންޗެސްޓަރ ޔުނައިޓެޑަށް ލިބުނީ ޤަބޫލުކުރެވޭ ނަތީޖާއެއް ނޫން ކަމަށް އެ ޓީމުގެ ކޯޗު އެރިކް ޓެން ހާގް ބުނެފިއެވެ.

އާދިއްތަ ދުވަހުގެ ރޭ އެސްޓަން ވިލާ އަތުން 1-3 އިން ބަލިވި މެޗަށްފަހު ވާހަކަ ދައްކަމުން ޓެން ހާގް ބުނީ، މެޗުގެ ފުރަތަމަ ހާފު ފަށައިގެން ވެސް ޔުނައިޓެޑަށް މެޗު ގެއްލިއްޖެ ކަމަށެވެ. އޭނާ ބުނީ މެޗުގައި އެސްޓަން ވިލާ އިން ފެނުނީ ވަރަށް ރަނގަޅަށް ތައްޔާރުވެފައިވާކަމާއި ޔުނައިޓެޑަށްވުރެ ވަރުގަދަކޮށް ކަމަށެވެ. ޓެން ހާގް ބުނީ މެޗުގައި ޔުނައިޓެޑަށް ބައިވަރު ގޯސް ހެދުނުކަމާއި، ބޯޅަ ހިފަހައްޓައިގެން ރަނގަޅަށް ނުކުޅެވުމުގެ ނަތީޖާ އަކީ ބަލިވުން ކަމަށެވެ.

އޭނާ އިތުރަށް ބުނީ މެޗުގެ ނަތީޖާ ސާފުކަމަށާއި، ނަތީޖާ ގައި ވެސް ދޮގެއް ނެތް ކަމަށެވެ. ޓެން ހާގް ބުނީ ފުޓުބޯޅައިިގަ ލިބޭނީ އަބަދުވެސް އެބަޔަކު ކުރާ މަސައްކަތެއްގެ ނަތީޖާ ކަމަށާއި، އެސްޓަން ވިލާއާ ދެކޮޅަށް ޔުނައިޓެޑަށް ރަނގަޅު ކުޅުމެއް ނުދެއްކުނު ކަމަށެވެ. ޓެން ހާގް ބުނީ މެޗުގެ ނަތީޖާ އިން އޭނާ އަށް އުނދަގޫތަކެއް އިހުސާސްވާ ކަމަށަށެވެ. އޭނާ ބުނީ ދެން ފޯކަސް ބަހައްޓަން ވީ ކަންކަން ރަނގަޅު ކޮށް ކުރިއަށް އޮތް މެޗުގައި އެސްޓަން ވިލާ އަތުން މޮޅުވާން ކަމަށެވެ.

ޓެން ހާގް ބުނީ ޔުނައިޓެޑުގައި ތަޖުރިބާ ހުރި ރަނގަޅު ކުޅުންތެރިން ތިބި ކަމަށާއި، މެޗުގެ ރަނގަޅަށް ގޭމު ދަސްކުރަން ޖެހޭކަމަށެވެ. މެޗުގެ ކުރީ ކޮޅު ދެ ލަނޑުގެ ތަފާތެއް އައުމަކީ އަމިއްލަ ގޯސްތަކެއްގެ ސަބަބުންވީ ކަމެއް ކަން ފާހަގަކޮށް އޭނާ ބުނީ، ކުރިއަށް އޮތް ތަނުގައި އެކަންކަން ރަނގަޅު ކުރަން ޖެހޭނެ ކަމަށެވެ.

މިމަހުގެ 11 ވަނަ ދުވަހު ކަރަބޯ ކަޕްގެ ތިން ވަނަ ބުރުގައި ވެސް ޔުނައިޓެޑުން ނުކުންނާނީ އެސްޓަން ވިލާއާ ދެކޮޅަށެވެ. އެ މެޗުގައި ނުކުންނާނީ ޔުނައިޓެޑުގެ އަމިއްލަ ދަނޑުގައެވެ.