އިޓާލިއަން ލީގުގައި ޓޮރިނޯއާ ދެކޮޅަށް ކުޅުނު މެޗުން ޗެމްޕިއަން އޭސީ މިލާން ބަލިވެއްޖެއެވެ.

ޓޮރިނޯގެ ދަނޑުގައި އާދިއްތަ ދުވަހުގެ ރޭ ކުޅުނު މެޗުން މިލާން ބަލިވީ 1-2 އިންނެވެ. މެޗުގެ ފުރަތަަމަ ހާފުގައި ޓޮރިނޯ އިން ވަނީ ދެ ލަނޑު ޖަހައި ލީޑު ނަގާފައެވެ. މެޗުގެ 35 ވަނަ މިނެޓުގައި ވެލެންޓިނޯ ލަޒާރޯ ތަނަވަސްކޮދިން ފުރުސަތެއްގައި ޓޮރިނޯ އަށް ލީޑު ނަގައިދިނީ ކޮފީ ޑިޑްޖީއެވެ. އޭގެ ދެ މިނެޓު ފަހުން ނިކޮލާ ވްލަސިޗްގެ އެހީތެރިކަމާއެކު މިރަންޗުކް ވަނީ ޓޮރިނޯ އަށް ލީޑު ފުޅާކޮށްދީފައެވެ.

މިލާންގެ ހަމައެކަނި ލަނޑު ފެނުނީ މެޗުގެ ދެ ވަނަ ހާފުގައެވެ. ދެ ވަނަ ހާފުގެ 67 ވަނަ މިނެޓުގައި ޖޫނިއާ މެސިއަސް ވަނީ ލަނޑެއް ޖަހައި މިލާނަށް ފަރަގު ކުޑަކޮށްދީފައެވެ. އޭގެ ފަހުން ވެސް މިލާނުން ވަނީ އިތުރު ލަނޑު ޖެހުމަށް މަސައްކަތްކޮށްފައެވެ. މިއީ މި ސީޒަންގެ ލީގުގައި މިލާންގެ ދެ ވަނަ ބައްޔެވެ.

މެޗުން ބަލިވުމާ އެކު މިލާން އޮތީ 12 މެޗުން 26 ޕޮއިންޓާ އެކު ތާވަލްގެ ތިން ވަނަ މަގާމުގައެވެ. މެޗުން މޮޅުވެ ދެ ވަނަ އަށް އެރުމުގެ ފުރުސަތު ވެސް އެ ޓީމަށް އޮތެވެ. ދެ ވަނައިގައި އޮތް އެޓަލަންޓާ އަށް 12 މެޗުން ލިބެނީ 27 ޕޮއިންޓެވެ. މިލާން އަތުން މޮޅުވި ޓޮރިނޯ އޮތީ 12 މެޗުން 17 ޕޮއިންޓާ އެކު ނުވަ ވަނައިގައެވެ.