ވޯލްޑް ކަޕްގެ ޓްރޮފީ އާޖެންޓީނާއަށް!

ފީފާ ވޯލްޑް ކަޕް ތަށި އާޖެންޓީނާއަށް ގެންގޮސްފިއެވެ.

އާޖެންޓީނާއަކީ މުބާރާތް ދެ އަހަރު ކާމިޔާބުކޮށްފައިވާ ގައުމެކެވެ. އެ ގައުމުން ވަނީ 1978 ވަނަ އަހަރާއި 1986 ވަނަ އަހަރުގެ މުބާރާތް ކާމިޔާބުކޮށްފައެވެ. މީގެ އިތުރުން 1930، 1990 އަދި 2014 ވަނަ އަހަރުގެ މުބާރާތުގެ ރަނަރަކަން ހޯދާފައިވެއެވެ. އާޖެންޓީނާއަކީ ފުޓުބޯޅައިގެ ލެޖެންޑުން އުފެދިފައިވާ ގައުމެކެވެ. އޭގެ ތެރޭގައި ޑިއޭގޯ މަރަޑޯނާއާއި ލިއޮނެލް މެސީއަކީ ފާހަގަކޮށްލެވޭ ދެ ކުޅުންތެރިންނެވެ.

މުބާރާތުގެ ތަށި އާޖެންޓީނާއަށް ގެންދިޔުމާއެކު ގިނަ އަދަދެއްގެ އާންމުން ވަނީ އެ ސަރަހައްދަށް ޖަމާވެ، ޓްރޮފީއާއެކު ފޮޓޯ ނަގާފައެވެ. އާޖެންޓީނާއަށް ތަށި ގެންދިޔުމާއެކު އެ ގައުމުގެ ރައްޔިތަކު ބުނީ، އެއީ މަރަޑޯނާ ކަހަލަ ލެޖެންޑުން އަތް ލާފައިވާ ތައްޓެއްކަން ހަނދާންކުރަން ޖެހޭ ކަމަށެވެ. އޭނާ ބުނީ ތަށި އެ ޤައުމަށް ގެނައުމަކީ ވަރަށް ބޮޑު އުފަލަކަށް ވެގެންދިޔަކަމަށެވެ. މީގެ އިތުރުން އުންމީދަކީ މެސީއަށް ތަށި އުފުލާލެވުމެވެ. އަދި މިއަހަރު އާޖެންޓީނާއާއި މެސީއާމެދު ކުރެވޭ އުންމީދު ބޮޑުކަމަށްވެސް އޭނާ ބުންޏެވެ.

ވާހަކަ ދެއްކި އެހެން މީހަކު ބުނީ، އެ ތަށި ހޯދުމަކީ އުނދަގޫ ކަމަކަށްވާނެ ކަމަށާއި، ނަމަވެސް އަލުން ވޯލްޑް ކަޕްގެ ތަށި އެ ގައުމަށް ގެންދިއުމަށް އުންމީދުކުރެވޭ ކަމަށެވެ. އޭނާ ބުނީ އެކަމާމެދު އޭނާ އެއްވެސް ޝައްކެއް ނުކުރާކަމަށެވެ.

ވޯލްޑް ކަޕްގެ ތަށި އާޖެންޓީނާއަށް ގެންގޮސްފައިވާއިރު، އެ ގައުމަކީ މިއަހަރުގެ މުބާރާތުގައި ފޭވަރިޓުންގެ ގޮތުގައި ބެލެވޭ އެއް ޓީމެވެ. ޚާއްސަކޮށް މެސީ ހުރި ފޯމާއި، ކުލަބު އަދި ގައުމީ ޓީމުގައި އޭނާ ދައްކަމުން އަންނަ ސަަބަބުގެ ސަބަބުން އެ ޓީމާމެދު ސަޕޯޓަރުން ކުރާ އުންމީދު ވެސް ބޮޑެވެ.