ރޯޑް ރެކްރިއޭޝަން ކްލަބް (އާރުއާރުސީ) ކަޓުވާލުމަށްފަހު, ކްލަބް މޯލްޑިވްސް ކަޕްގެ ސެމީފައިނަލުން ކްލަބް ވެމްކޯ ޖާގަ ހޯދައިފިއެވެ.

ކްއާޓަރ ފައިނަލް ފުރަތަމަ މެޗުގައި އާރުއާރުސީގެ މައްޗަށް ވެމްކޯ ކުރި ހޯދީ 5-3 ނެވެ. ވެމްކޯގެ ފުރަތަމަ ދެ ލަނޑު ޖެހީ އިސްމާއީލް ވަޖީހުއެވެ. ފަހު ދެ ލަނޑު ޖެހީ އެޓީމަށް ކުޅޭ އިރާން ކުޅުންޔެރިޔާ އަލީ ހޮދަދާދީއެވެ. މެޗުގެ މޮޅު ކުޅުންތެރިއަކީ ވެސް އޭނާއެވެ. އާރުއާރުސީގެ ތިން ލަނޑުގެ ތެރެއިން ފުރަތަމަ ދެ ލަނޑު ޖެހީ އަލީ ހާފިޒުއެވެ. ތިންވަނަ ލަނޑު ޖެހީ އިބްރާހީމް އަސްވާދު (ގަބޭ) އެވެ.

ސެމީފައިނަލްގެ ދެވަނަ ޖާގަ ހޯދީ ޓީމް ފެނަކައެވެ. ފެނަކަ ސެމީގެ ޖާގަ ހޯދީ 4-0 ން ދިވެހި ސިފައިންގެ ކްލަބް ބަލިކޮށްގެންނެވެ. މެޗުގައި ފެނަކަ ޓީމްގެ ފުރަތަމަ ލަނޑާއި ފަހު ލަނޑު ޖެހީ ހުސެއިން ޝަރީފް (އޮންލީ)އެވެ. ދެވަނަ ލަނޑު ޖެހީ މުހައްމަދު އައްޒާމްއެވެ. ތިންވަނަ ލަނޑު ޖެހީ އަޔާޒު އަހުމަދެވެ. މެޗުގެ މޮޅު ކުޅުންތެރިއަކީ އަޔާޒު އަހުމަދެވެ.

ކުއާޓާ ފައިނަލް ފަހު ދެމެޗު ހުކުރު ދުވަހުގެރޭ ކުޅޭނެއެވެ. ސެމީފައިނަލްގައި ވެމްކޯއާއި ވާދަކުރާނީ ފެނަކައެވެ.