ޕޮލިސް ކްލަބް އަތުން ފެނަކަ މޮޅުވުމުން, އެއިޓީން ތާރޓީ ވިމެންސް ފުޓްސަލް މުބާރާތުގައި ދެޓީމް ޕޮއިންޓްގެ ގޮތުން އެއްވަރުވެއްޖެއެވެ.
މިނަތީޖާއާއެކު ދެޓީމްވެސް އޮތީ ތިން މެޗުން ހަ ޕޮއިންޓާއެކުއެވެ. ތިން ޓީމް ވާދަކުރާ މުބާރާތުގެ ފައިނަލަށް ދަތުރުކުރާނީ ކޮންމެ ޓީމެއް ކޮންމެ ޓީމެއް ދެފަހަރު ވާދަކޮށް އެންމެ ގިނަ ޕޮއިންޓް ހޯދާ ދެޓީމެވެ. ޕޮއިންޓެއް ނުލިބި ފުލުގައި ދިވެހި ސިފައިންގެ ކްލަބް މިހާރުވެސް އޮތުމުން ފެނަކައާއި ޕޮލިހަށް ފައިނަލްގެ ފުރުޞަތު ބޮޑެވެ. މިހާރު ފެނަކައާއި ޕޮލިސް ވެސް އޮތީ ހަ ޕޮއިންޓާއެކުއެވެ. ގޯލްގެ ތަފާތުން ކުރި ލިބެނީ ޓީމް ފެނަކައަށެވެ.
ޕޮލިސް ކްލަބްގެ މައްޗަށް ފެނަކަ ކުރިހޯދީ 3-2 ނެވެ. މެޗުގައި ފެނަކައިގެ މަރިޔަމް ނޫރާ ދެ ލަނޑު ޖެހިއެވެ. މެޗުގެ މޮޅު ކުޅުންތެރިއަކީވެސް އޭނާއެވެ. އަނެއް ލަނޑު ޖެހީ ފާތިމަތު އިނާޝާ އާދަމްއެވެ. ޕޮލިސް ކްލަބްގެ ދެ ލަނޑު ޖެހީ ފަދުވާ ޒާހިރުއާއި ރިޝްމާ އަބުދުالله އެވެ.
