ކްލަބް މޯލްޑިވްސް ކްލެސިކްގެ ކްއާޓަރ ފައިނަލުން ހަތަރު ޓީމެއް ޖާގަ ޔަޤީންކޮށްފިއެވެ.
ގަދަ ސޯޅަ ޓީމް ވާދަކުރި ދެވަނަ ބުރުގެ މެޗުތަކަށްފަހު ކްއާޓާ ފައިނަލްގެ ޖާގަ ޔަޤީންކުރީ އެޗްޕީއެސްއެންއާއި, ޓީއާރުސީ ޓްރާންސްޕޯޓާއި, އެމްއެމްއޭ ސޯޝަލް ކްލަބާއި, ޓީމް ޑީޖޭއޭ އެވެ.
އެޗްޕީއެސްއެން ކްއާޓާ ފައިނަލްގެ ޖާގަ ޔަޤީންކުރީ ދެވަނަ ބުރުގައި 4-0 ން އޭސީސީ ރެކްރިއޭޝަން ކްލަބް ބަލިކޮށްގެންނެވެ. މެޗުގެ މޮޅު ކުޅުންތެރިޔާ މުޙައްމދު ޝަހީމް ދެ ލަނޑު ޖެހިއެވެ. ފުރަތަމަ ލަނޑު ޖެހީ އިޝާން އަބްދުالله އެވެ. ފަހު ލަނޑު ޖެހީ އަހުމަދު ވަދީއުއެވެ.
ޓީއާރުސީ ޓްރާންސްޕޯރޓްސް ކްއާޓާގެ ޖާގަ ޔަޤީންކުރީ 3-2 ން އޮޑިޓަރ ޖެނެރަލް އޮފީހުގެ ރެކްރިއޭޝަން ކްލަބް ބަލިކޮށްގެންނެވެ. މެޗުގައި ޓްރާސްޕޯރޓްގެ ފުރަތަމަ ލަނޑު ޖެހީ މޮޅު ކުޅުންތެރިޔާ އަލީ މޫނިސްއެވެ. ދެވަނަ ލަނޑު ޖެހީ އަހުމަދު ނުހާދުއެވެ. ތިންވަނަ ލަނޑު ޖެހީ މަޒުހަރު އަބުދުالله އެވެ. މެޗުގައި ފުރަތަމަ ލަނޑު ޖަހާ ކުރި ހޯދީ އޮޑިޓަރ ޖެނެރަލް އޮފީހުގެ ޓީމުންނެވެ. އެޓީމަށް ކުރިހޯދައިދިނީ އަހުމަދު މުހައްމަދެވެ. ދެވަނަ ލަނޑު ޖެހީ ނާފިއު ޒާހިރުއެވެ.
އެމްއެމްއޭ ސޯޝަލް ކްލަބް ކްއާޓާ ފައިނަލްގެ ޖާގަ ހޯދީ 2-0 ން ޓީމް ބަދަހި ބަލިކޮށްގެންނެވެ. މެޗުގައި އެމްއެމްއޭގެ ދެ ލަނޑު ޖެހީ މުޙައްމަދު ފައިޒަމްއާއި, މުހައްމަދު އައްފާންއެވެ.
ޓީމް ޑީޖޭއޭ ދެވަނަ ބުރުގައި ކުރިހޯދީ 5-1 ން ޓްރޭޑް ކްލަބްގެ މައްޗަށެވެ. ޑީޖޭއޭ ގެ ފުރަތަމަ ދެ ލަނޑު ޖެހީ ސައުދުالله އަހުމަދެވެ. އެހެން ލަނޑުތައް ޖެހީ މުހައްމަދު ޝަފްރާޒްއާއި, މުހައްމަދު އަޖުވަދު ސޮލާހުއާއި, މުހައްމަދު ގުރެއިޝްއެވެ. ޓްރޭޑް ކްލަބްގެ ހަމައެކަނި ލަނޑު ޖެހީ އަބުދުالله އިރުފާންއެވެ.
