ޓީމް ޚާރިޖީއާއި ކްލަބް 220 ސެމީއަށް

ކްލަބް މޯލްޑިވްސް ކްލެސިކްގެ ސެމީފައިނަލުން ޓީމް ޚާރިޖީއާއި ކްލަބް 220 ޖާގަ ހޯދައިފިއެވެ.

ޓީމް ޚާރިޖީ ސެމީފައިނަލަށް ދަުރުކުރީ ކްއާޓާ ފއިނަލްގައި 4-2 ން ރައީސުލްޖުމްހޫރިއްޔާގެ އޮފީހުގެ ޓީމް ބަލިކޮށްގެންނެވެ. މެޗުގައި ޚާރިޖީގެ ހަތަރު ލަނޑުގެ ތެރެއިން ފުރަތަމަ ދެ ލަނޑު ޖެހީ އަލީ ޒާހިރުއެވެ. ތިންވަނަ ލަނޑު ޖެހީ މެޗުގެ މޮޅު ކުޅުންތެރިޔާ މުހައްމަދު ހޫދު އަހުމަދެވެ. ދަހު ލަނޑު ޖެހީ މުހައްމަދު ނާސިދު އަހުމަދު ނަސީމެވެ. ރައީސް އޮފީހުގެ ޓީމްގެ ދެ ލަނޑު ޖެހީ އަލީ އަޚްތަރު އާއި އަބުދުالله ނާސިފްއެވެ.

ކްލަބް 220 ސެމީން ޖާގަ ހޯދީ ކްއާޓާ ފައިނަލްގައި 3-2 ން ހޯމްއެފެއަރޒް ރެކްރިއޭޝަން ކްލަބް ބަލިކޮށްގެންނެވެ. މެޗުގައި ކްލަބް 220 ގެ ފުރަތަމަ ލަނޑު ޖެހީ މަސްއޫދު ޝަބީންއެވެ. ދެވަނަ ލަނޑު ޖެހީ އަހުމަދު ސާމިހުއެވެ.ތިންވަނަ ލަނޑު ޖެހީ މެޗުގެ މޮޅު ކުޅުންތެރިޔާ އަލީ އިކްރާމްއެވެ. ހޯމްއެފެއަރޒްގެ ފުރަތަމަ ލަނޑު ޖެހީ އަހުމަދު ޝަފްރާޒު މުހައްމަދެވެ. ދެވަނަ ލަނޑު ޖެހީ ޔައިޝް މުސްތަފާއެވެ.

ކްލެސިކްގެ ސެމީން ޖާގަހޯދި އަނެއް ދެޓީމަކީ ޓީއާރުސީ ޓްރާންސްޕޯޓާއި ޓީމް ޑީޖޭއޭއެވެ.