އެންމެ ފަހުގެ ޗެމްޕިއަން ޓީމް ފެނަކައާއެކު އާރުއާރުސީއާއި, އެސްޓީއޯއާއި, ޓީމް އެސްއެފްއެމް ކްލަބް މޯލްޑިވްސް ކަޕްގެ ކުއާޓާ ފައިނަލުން ޖާގަ ހޯދައިފިއެވެ.

ފެނަކަ ކުއާޓާ ފައިނަލަށް ދަތުރުކުރީ ދެވަނަ ބުރުގައި 5-1 ން ގޭސް ކްލަބް ބަލިކޮށްގެންނެވެ. މެޗުގެ މޮޅު ކުޅުންތެރިޔާ އައްޒާމް އަބުދުالله އެއް ލަނޑު ޖެހިއެވެ. ފެނަކައިގެ ފުރަތަމަ ލަނޑާއި ތިންވަނަ ލަނޑު ޖެހީ މަސްއޫދު މާޖިދު ފަލާހީ އެވެ. ދެވަނަ ލަނޑު ޖެހީ ހުސައިން ނާޝިދުއެވެ. ފަހު ލަނޑު ޖެހީ މުހައްމަދު އިޔާދު އަލީއެވެ. ގޭސް ކްލަބްގެ ހަމައެކަނި ލަނޑު ޖެހީ އަހުމަދު ރަޝީދެވެ.

ރޯޑް ރެކްރިއޭޝަން ކްލަބް (އާރުއާރުސީ) ކުއާޓާ ފައިނަލަށް ދަތުރުކުރީ ދެވަނަ ބުރުގައި 1-0 ން މޯލްޑިވްސް އެއަޕޯރޓްސް ކޮމްޕެނީ ލިމިޓެޑް ބަލިކޮށްގެންނެވެ. މެޗުގެ ހަމައެކަނި ލަނޑު ޖެހީ ހުސައިން ގައްސާން ލަބީބެވެ. މެޗުގެ މޮޅު ކުޅުންތެރިއަކީ އިބްރާހީމް ސިނާހު އެވެ.

އެސްޓީއޯ ރެކްރިއޭޝަން ކްލަބް ކުއާޓާ ފައިނަލްގެ ޖާގަ ހޯދީ ދެވަނަ ބުރުގައި 3-1 ން މޯލްޑިވިއަން ބަލިކޮށްގެންނެވެ. މެޗުގައި އެސްޓިއޯގެ ފުރަތަމަ ދެ ލަނޑު ޖެހީ ހުޒައިފަތު ރަޝީދެވެ. މެޗުގެ މޮޅު ކުޅުންތެރިއަކީވެސް އޭނާއެވެ. ތިންވަނަ ލަނޑު ޖެހީ ރިޒުވާން އަހުމަދެވެ. މޯލްޑިވިއަންގެ ހަމައެކަނި ލަނޑު ޖެހީ ހައްފާފް ސިދުގީއެވެ.

ޓީމް އެފްއެސްއެމް ކްއާޓާ ފައިނަލަށް ދަތުރުކުރީ 5-0 ން ފެން ކްލަބް ބަލިކޮށްގެންނެވެ. މެޗުގެ މޮޅު ކުޅުންތެރިޔާ އަހުމަދު އައިހަމް އާއި މުހައްމަދު ނާފިއު އަހުމަދު ކުރެ ކޮންމެ ކުޅުންތެރިއަކު ދެ ލަނޑު ޖެހިއެވެ. ފަހު ލަނޑު ޖެހީ އަބުދުالله ޒިޔާންއެވެ. މޮޅު ކުޅުންތެރިއަކީ އައިހަމްއެވެ.