ކުއާޓާ ފައިނަލުގައި ވާދަކުރާނެ ޓީމުތައް ކަށަވަރުވެއްޖެ

ކްލަބް މޯލްޑިވްސް ކަޕް ކުއާޓާ ފައިނަލްގައި ވާދަކުރާނެ ޓީމުތައް ކަށަވަރުވެއްޖެއެވެ.

ކުއާޓާ ފައިނަލްގައި ސްޓެލްކޯ ވާދަކުރާނީ އެޗްޑީސީއާއެވެ. އެމްޕީއެލް ވާދަކުރާނީ އެސްޓީއޯއާއެވެ. ޗެމްޕިއަން އާރުއާރުސީ ވާދަކުރާނީ ވެމްކޯއާއެވެ. ދިވެހި ސިފައިންގެ ކްލަބް ވާދަކުރާނީ ވެމްކޯއާއެވެ.

ސްޓެލްކޯ ކްލަބް ކުއާޓާ ފައިނަލުން ޖާގަ ހޯދީ ދެވަނަ ބުރުގައި ކްލަބް ފެން 4-2 ން ބަލިކޮށްގެންނެވެ. މެޗުގައި ސްޓެލްކޯގެ ލަނޑުތައް ޖެހީ އަލީ މާއިސް އާއި އިބްރާހީމް ރިމާހުއެވެ. ކޮންމެ ކުޅުންތެރިއަކު ދެ ލަނޑު ޖެހިއެވެ. ކްލަބް ފެންގެ ދެ ލަނޑު ޖެހީ ސޮލާހު އަލީ އާއި ތޮލާލް ނަސީރެވެ. އެޗްޑީސީ ކުއާޓާ ފައިނަލްގެ ޖާގަ ހޯދީ 5-0 ން ކްލަބް އޭވިއޭޝަން ސެކިއުރިޓީ ބަލިކޮށްގެންނެވެ. މެޗުގެ މޮޅު ކުޅުންތެރިޔާ ސާމިން މުޙައްމަދު ނަސީރު ދެ ލަނޑު ޖެހިއެވެ. އަނެއް ތިން ލަނޑު ޖެހީ އަބުދުالله ވިސާމް އާއި އަކްރަމް އަބުދުލް ރަޝީދު އާއި ހުސެއިން ސުހެއިލްއެވެ.

އެސްޓީއޯ ރެކްރިއޭޝަން ކްލަބް ކުއާޓާ ފައިނަލަށް ދަތުރުކުރީ 4-1 ން ކްލަބް އެއަޕޯރޓްސް ބަލިކޮށްގެންނެވެ. މެޗުގައި ހުޒެއިފަތު ރަޝީދު ތިން ލަނޑު ޖެހިއެވެ. މެޗުގެ މޮޅު ކުޅުންތެރިއަކީ ވެސް އޭނާއެވެ. އެސްޓީއޯގެ ފުރަތަމަ ލަނޑު ޖެހީ އިސްމާއީލް އީސާއެވެ. ކްލަބް އެއަޕޯރޓްސްގެ ހަމައެކަނި ލަނޑު ޖެހީ އަލީ އާމިރުއެވެ.

އެމްޕީއެލް ކުއާޓާ ފައިނަލްގެ ޖާގަ ހޯދީ ގަދަ 16 ޓީމް ވާދަކުރި ދެވަނަ ބުރުގައި 1-0 ން މޯލްޑިވިއަން ބަލިކޮށްގެންނެވެ. މެޗުގެ ހަމައެކަނި ލަނޑު ޖެހީ އަހުމަދު ހުސެއިންއެވެ. ކުއާޓާ ފައިނަލް މެޗުތައް ކުޅޭނީ ބުރާސްފަތި އަދި ހުކުރު ދުވަހުގެ ރެއެވެ.