ޗެމްޕިއަން ރޯޑް ރެކްރިއޭޝަން ކްލަބާއި ވެމްކޯއާއި ފެނަަކަ އާއި ދިވެހި ސިފައިންގެ ކްލަބުން ކްލަބް މޯލްޑިވްސް ކަޕްގެ ކުއާޓާ ފައިނަލުން ޖާގަ ހޯދައިފިއެވެ.

ރޯޑް ރެކްރިއޭޝަން ކްލަބް ކުއާޓާ ފައިނަލަށް ދަތުރުކުރީ މިދިޔަ އަހަރުގެ ފައިނަލްގައި އެޓީމާ ދެކޮޅަށް ނުކުތް ފިއުލް ސަޕްލައި މޯލްޑިވްސް (އެފްއެސްއެމް) 2-1 ން ބަލިކޮށްގެންނެވެ. މެޗުގައި އާރުއާރުސީގެ ދެ ލަނޑު ޖެހީ އިބްރާހީމް މައިސާންއާއި, އަލީ ހާފިޒުއެވެ. އާރުއާރުސީން ދެ ލަނޑު ޖެހިފަހުން އެފްއެސްއެމްގެ ހަމައެކަނި ލަނޑު ޖެހީ އަހުމަދު ވިޖުދާންއެވެ.

ވެމްކޯ ކުއާޓާ ފައިނަލުން ޖާގަ ހޯދީ ދެ ވަނަ ބުރުގައި 4-0 ން ޓީމް އެލައިޑް ބަލިކޮށްގެންނެވެ. ވެމްކޯގެ ލަނޑުތައް ޖެހީ އިބްރާހީމް މަހުދީ ހުސެއިން, އަހުމަދު އައިހަމް, އަލީ ހުދައިދީ އަދި އިސްމާއީލް ވަޖީހުއެވެ.

ޓީމް ފެނަކަ ވަނީ ދެވަނަ ބުރުގައި ކަސްޓަމްސް ރެކްރިއޭޝަން ކްލަބް 5-0 ން ބަލިކޮށް ކުއާޓާގެ ޖާގަ ހޯދާފައެވެ. މެޗުގައި އަޔާޒު އަހުމަދު އާއި މުޙައްމަދު އައްޒާމް ކުރެ ކޮންމެ ކުޅުންތެރިއަކު ދެ ލަނޑު ޖެހިއެވެ. އަނެއް ލަނޑު ޖެހީ ހުސެއިން ޝަރީފް (އޮންލީ) އެވެ.

ދިވެހި ސިފައިންގެ ކްލަބް ކުއާޓާ ފައިނަލުން ޖާގަ ހޯދީ މޯލްޑިވްސް އެއަޕޯރޓްސް ކޮމްޕެނީ 3-0 ން ބަލިކޮށްގެންނެވެ. މެޗުގައި ސިފައިންގެ ލަނޑުތައް ޖެހީ މުހައްމަދު އަލާއު, އަބުދުالله ޝުޖާއު, އަދި އިބްރާހީމް އަހުމަދެވެ.