ކްލަބް މޯލްޑިވްސް ކަޕް ފުޓްސަލް މުބާރާތުގައި ކްލަބް އެޗްޑީސީ އާއި އެސްޓީއޯ ރެކްރިއޭޝަން ކްލަބް ދެވަނަ މޮޅު ހޯދައިފިއެވެ.

ގްރޫޕް ޖީގައި އެޗްޑީސީ ދެވަނަ މެޗު ކާމިޔާބުކުރީ އެމްއެމްއޭ ސޯޝަލް ކްލަބާ ވާދަކޮށް 10-2 ނެވެ. މެޗުގައި ނާއިޒު ހަސަން ހަތަރު ލަނޑު ޖެހިއެވެ. އެހެން ލަނޑުތައް ޖެހީ ސާމިން މުޙައްމަދު ނަސީރު, އަހުމަދު ސިޒާން, އަބުދުالله ޝާފިއު, އަބުދުالله ވިސާމް, އަދި ޔާމީން މުޙައްމަދެވެ. އެމްއެމްއޭގެ ދެ ލަނޑު ޖެހީ އިބްރާހީމް ސައިފްއާއި, މުޙައްމަދު ފައިޒަމްއެވެ. މިގްރޫޕްގައި ދިވެހި ސިފައިންގެ ކްލަބް ވަނީ ފުރަތަމަ މޮޅު ހޯދާފައެވެ. އެއީ ކްލަބް ޓީޓީ އެސްއާ ވާދަކޮށް 6-4 ނެވެ. މެޗުގައި މުޙައްމަދު އަލާއު ތިން ލަނޑު އަދި ހަސަން ފަވާޒު ދެ ލަނޑު ޖެހިއެވެ. އެޓީމަށް ދެން ލަނޑު ޖަހައިދިނީ އަހުމަދު ޝައިހާން ޖަލީލްއެވެ.

އެސްޓީއޯ ދެވަނަ މެޗު ކާމިޔާބުކުރީ ޓީމް އެލައިޑާ ވާދަކޮށް 3-1 ނެވެ. މެޗުގައި އެސްޓީއޯގެ ތިން ލަނޑުގެ ތެރެއިން ދެ ލަނޑު ޖެހީ އިސްމާއީލް އިސާއެވެ. ފުރަތަމަ ލަނޑު ޖެހީ އިނާން އަހުމަދެވެ. އެލައިޑްގެ ލަނޑު ޖެހީ ހަސަން ނަޒީމްއެވެ. މިގްރޫޕްގައި ކްލަބް އިމިގްރޭޝަން ވަނީ މުލީއާގެ ބަލިކޮށް ފުރަތަމަ މޮޅު ހޯދާފައެވެ. އިމިގްރޭޝަން މެޗު ކާމިޔާބުކުރީ 6-1 ނެވެ.