އޭނާގެ ހުރިހާ ފޯކަސްއެއް ހުރީ ޓޮޓެންހަމާއެކު ކަމަށް ހެރީ ކޭން ބުނެފިއެވެ.
އޭނާ މިހެން ބުނީ ޔުއެފާ ޗެމްޕިއަންސް ލީގުގައި ބުދަ ދުވަހުގެ ރޭ ކުޅޭ މެޗުގެ ކުރިން އޮތް ޕްރެސް ކޮންފަރެންސްގައެވެ. ޖަރުމަނުގެ ބަޔާން މިއުނިކާ އެއްވެސް ގުޅުމެއް އޮތް ތޯ ސުވާލު ކުރުމުން ކޭން ބުނީ، އޭނާގެ ހުރިހާ ފޯކަސްއެއް ހުރީ ޓޮޓެންހަމްގައި ކަމަށެވެ. ކޭން ބުނީ އޭނާ ބޭނުންވަނީ ޓޮޓެންހަމްގައި އޭނާގެ އެންމެ މޮޅު ކުޅުން ދައްކަން ކަމަށެވެ. ބަޔާން އަކީ މަތީ ފެންވަރުގެ ކުލަބެއް ކަން ފާހަގަކޮށް ކޭން ބުނީ، ބޭނުންވަނީ ޓޮޓެންހަމާއެކު ކާމިޔާބު ހޯދުމަށް ކަމަށެވެ.
މީގެ އިތުރުން ކޭން ބުނީ ޓޮޓެންހަމްގެ ކޯޗުކަމާއި އެންޓޯނިއޯ ކޮންޓޭ ހަވާލުވި ފަހުން އަތައް ކަމެއް ބަދަލުވެއްޖެ ކަމަށެވެ. ކޭން ބުނީ ކުޅުންތެރިންގެ އިތުރުން މުޅި ކުލަބުގެ މެންޓާލިޓީ ވެސް ބަދަލުވެއްޖެ ކަމަށެވެ. ކޭން ބުނީ ހުރިހާ ދާއިރާއެއްގައި އަދިވެސް ރަނގަޅު ކުރަން ޖެހޭ ކަންކަން ހުރި ކަމަށެވެ. ކޭން ބުނީ ކޮންޓޭ އަކީ ޓޮޕް ލެވެލްގެ ކޯޗެއް ކަމަށެވެ.
ޗެމްޕިއަންސް ލީގުގައި ބުދަ ދުވަހުގެ ރޭ އެއިންޓްރަކް ފްރެންކްފާޓް ދެކޮޅަށް ޓޮޓެންހަމް ނުކުންނާނީ އަމިއްލަ ދަނޑުގައެވެ. މި ދެ ޓީމު ބައްދަލު ކުރި ފުރަތަަމަ ލެގު ނިމުނީ އެއްވެސް ޓީމަކަށް ލަނޑެއް ކާމިޔާބު ނުކުރެވިއެވެ.
