މިފަހަރުގެ ކަލިނަރީ ޗެލެންޖުން ވެސް ތަފާތު ފެނިގެން ދާނެ
ކަލިނަރީ ޗެލެންޖުގައި މިފަހަރު 650 އަށް ވުރެ ގިނަ ބައިވެރިން
ކަލިނަރީ ޗެލެންޖް ޕްރޮޖެކްޓުގެ ޑައިރެކްޓަރު އެލެން ޕާމާ
މިފަހަރުގެ ކަލިނަރީ ޗެލެންޖުން ވެސް ތަފާތު ފެނިގެން ދާނެކަމަށް ކަލިނަރީ ޗެލެންޖް ޕްރޮޖެކްޓުގެ ޑައިރެކްޓަރު އެލެން ޕާމާ ވިދާޅުވެއްޖެއެވެ.
ކަލިނަރީ ޗެލެންޖަކީ ހޮޓެލް އޭޝިއާގެ އެންމެ ފާހަގަކޮށްލެވޭ އެއް ހަރަކާތެވެ. ރާއްޖޭގައި 20 އަހަރު ދުވަހު މަސައްކަތްކުރައްވާފައިވާ ޕާމާ ވަނީ 16 އަހަރު ވަންދެން ހޮޓެލް އޭޝިއާ އެކްސްޕީ ބާއްވާފައިވާ އިރު އަހަރަކަށް ވުރެ އަހަރެއް އެ ހަރަކާތްކުރިއަރަމުންދާ ކަމަށް ފާހަގަކުރައްވާފައެވެ. 650 އަށް ވުރެ ގިނަ ބައިވެރިންނާއި އެކު މި ފަހަރުގެ ކަލިނަރީ ޗެލެންޖް ކުރިއަށް ދާއިރު 20 ޖަޖުންނަށް ވުރެ ގިނަ ޖަޖުން ހިމެނޭ ކަމަށް އޭނާ ވިދާޅުވިއެވެ. އޭގެ ތެރެއިން 12 ޝެފުންނަކީ ދުނިޔޭގެ ފެންވަރުގައި ފާހަގަކޮށްލެވޭ ނަން މަޝްހޫރު ޝެފުން ކަމަށް އޭނާ ވަނީ ފާހަގަކުރައްވާފައެވެ. މި ޗެލެންޖުގެ ޒަރިއްޔާއިން ރާއްޖޭގައި ފެންވަރު ރަނގަޅު ޝެފުން އުފެއްދުމާއި ދާއިރާ އަަށް އާއްމުންގެ ޝައުގުވެރިކަން އުފެއްދުމަށް މަގުފަހިވާ ކަަމަށް ވެސް އޭނާ ވަނީ ފާހަގަކުރައްވާފައެވެ.
ހޮޓެލް އޭޝިއާ 2022 އަކީ ރާއްޖެއާއި ރާއްޖެއިން ބޭރުގެ ކަލިނަރީ އިންޑަސްޓްރީގެ ފަންނުވެރިންނަށް އެމީހުންގެ ހުނަރުތައް ދައްކާލުމަށާއި، އެ މީހުން ޚިދުމަތްތައް އާންމުންނަށް ދައްކާލުމުގެ ފުރުޞަތު ލިބޭ ގޮތަށް އިންތިޒާމް ކުރާ އިވެންޓެކެވެ. މީގެ އިތުރުން އެ އެފަރާތްތަކަށް ސަރަހައްދީ ކަލިނަރީ ކޮމިއުނިޓީ ތެރޭގައި ނެޓްވޯކްކުރުމުގެ ފުރުޞަތުވެސް މި އިވެންޓުގެ ތެރެއިން ލިބިގެންދެއެވެ. ހޮޓެލް އޭޝިއާ 2022 އަކީ 150 އަށް ވުރެ ގިނަ ކުންފުންޏާއި 500 އަށް ވުރެ ގިނަ ކަލިނަރީ ކޮމްޕެޓިޝަން އެންޓްރީސް ހިމެނޭ ގޮތަށް ރާއްޖޭގައި ބާއްވާ ހަމައެކަނި އިންޓަނޭޝަނަލް ހޮޓެލް ސަޕްލައިސް އެގްޒިބިޝަންކަން ފާހަގަކޮށްލެވެއެވެ.
