މިދިޔަ އަހަރު ތަފާތު އެކި ހައްގުތައް ގެއްލިގެން 533 މައްސަލަ ހުށަހެޅުނު: އެޗްއާރުސީއެމް
ހިލޭ ގުޅޭ ނަންބަރަށް މިދިޔަ އަހަރުގެ ޑިސެންބަރު މަހަުގެ ނިޔަލަށް ޖުމްލަ 1062 ކޯލް ލިބި 147 އާ މައްސަލަ ހުށަހެޅިފައިވޭ
އެޗްއާރުސީއެމްގެ އަހަރީ ރިޕޯޓް ނެރުނުގެ ރަސްމީއްޔާތު
މިދިޔަ އަހަރު ތަފާތު އެކި ހައްގުތައް ގެއްލިގެން 533 މައްސަލަ ހުށަހެޅުނު ކަމަށް ހިއުމަން ރައިޓސް ކޮމިޝަން އޮފް ދި މޯލްޑިވްސް (އެޗްއާރުސީއެމް) އިން ބުނެފިއެވެ.
އެޗްއާރުސީއެމް އިން ނެރުނު އެ ކޮމިޝަންގެ 2016 ވަނަ އަހަރުގެ އަހަރީ ރިޕޯޓުގައި ބުނެފައިވާ ގޮތުގައި އެ މައްސަލަތަކުގެ ތެރެއިން 61 މައްސަލައަކީ ކޮމިޝަންގެ އަމިއްލަ އިސްނެގުމަށް ބަލާފައިވާ މައްސަލަތަކެވެ.
ރިޕޯޓުގައި ބުނެފައިވާ ގޮތުގައި ކޮމިޝަން އަށް ހުށަހެޅުނު 533 މައްސަލައިގެ ތެރެއިން 309 މައްސަލަ ވަނީ ބަލައި ނިންމާފައެވެ. އަދި މި މައްސަތަކުގެ ތެރެއިން 25 މައްސަލަ ހުށަހެޅިފައި ވަނީ ކޮމިޝަންގެ ސަދަން ރީޖަނަލް އޮފީހަށް ކަމަށާއި އެ މައްސަލަތރަކުގެ ތެތެއިން 17 މައްސަލަ ބަލައި ނިމިފައިވާ ކަމަށް އެޗްއާރުސީއެމްގެ އަހަރީ ރިޕޯޓުގައި ބުނެފައި ވެއެވެ.
މިދިޔަ އަހަރު އެޗްއާރުސީއެމް އަށް ހުށަހެޅުނު މައްސަލަތަކުގެ އަދަދަށް ބަލާއިރު އެންމެ ގިނަ މައްސަލަ ހުށަހެޅިފައި ވަނީ ބޯހިޔާވެހިކަމުގެ ހައްގު ގެއްލިގެންނެވެ. އެގޮތުން ބޯހިޔާވެހިކަމާ ގުޅޭ 138 މައްސަލަ މިދިޔަ އަހަރު އެޗްއާރުސީއެމް އަށް ހުށަހަޅާފައި ވެއެވެ.
މީގެ އިތުރުން ކޮމިޝަނަށް ހުށަހެޅުނު މައްސަލަތަކުގެ ތެރޭގައި
- ބަންދުކުރެވޭ ފަރާތްތަކާ ގުޅުން ހުރި 42 މައްސަލަ
- ގައިދީންގެ ހައްގުތަކާ ގުޅުން ހުރި 64 މައްސަލަ
- އިންސާނީ އަދި އިޖުތިމާއި ހައްގުތަކާ ގުޅުންހުރި 35 މައްސަލަ
- ޝަރުއީ ދާއިރާއާ ގުޚޅުންހުރި ހައްގުތައް ގެއްލިގެން 26 މައްސަލަ
- ބިދޭސީންގެ ހައްގުތައް ގެއްލިގެން 25 މައްސަލަ
- މަސައްކަތް ކުރުމުގެ ހައްގު ގެއްލިގެން 26 މައްސަލަ
- އެނގެނުމުގެ ހައްގާ ގުޅުންހުރި 6 މައްސަލަ
- އެކަށީގެންވާ ސިއްޙީ ފަރުވާ ނުލިބިގެން 68 މައްސަލަ
- އުމުރުން ދުވަސްވީ މީހުންނާ ހާއްސަ އެހީއަށް ބޭނުންވާ މީހުންނާ ގުޅުން ހުރި 13 މައްސަލަ
- އަންހެނުންގެ ހައްގުތައް ގެއްލިގެން ހަތް މައްސަލަ
- ކުޑަކުދިންގެ ހައްގުތައް ގެއްލިގެން 50 މައްސަލަ
ލާއިންސާނީ އަނިޔާއާ ގުޅުންހުރި 33 މައްސަލަ ހުށަހެޅިފައިވާ ކަމަށް ރިޕޯޓުގައި ބުނެފައިވެއެވެ.
- އެޗްއާރުސީއެމްގެ ރިޕޯޓުގައި ބުނެފައިވާ ގޮތުގައި މިދިޔަ އަހަރު ނިމުނުއިރު އެ ކޮމިޝަން ބަލަމުން ދިޔަ މައްސަލަތަކުގެ ތެރޭގައި ހިމެނެނީ
- ބަންދު ކުރެވޭ ފަރާތްތަކާ ގުޅުންހުރި 40 މައްސަލަ
- ގައިދީންގެ ހައްގުތަކާ ގުޅުންހުރި 75 މައްސަލަ
- އިގްތިސާދީ އަދި އިޖުތިމާއި ހައްގުތަކާ ގުޅުންހުރި 16 މައްސަލަ
- ޝަރުއީ ދާއިރާއާ ގުޅުންހިރި ދެ މައްސަލަ
- ބިދޭސީންގެ ހައްގުތަކާ ގުޅުން ހުރި 9 މައްސަލަ
- މަސައްކަތް ކުރުމުގެ ހައްގު ގެއްލިގެން 6 މައްސަލަ
- އެކަށީގެންވާ ސިއްހީ ފަރުވާ ނުލިބިގެން ހުށަހެޅިފައިވާ 72 މައްސަލަ އަމުރުން
- ދުވަސްވީ މީހުންނާ ހާއްސަ އެހީއަށް ބޭނުންވާ މީހުންގެ ހައްގުތަކާ ގުޅުން ހުރި 21 މައްސަލަ
- އަންހެންގެ ހައްގުތަކާ ގުޅުން ހުރި ފަސް މައްސަލަ
- ކުޑަކުދިންގެ ހައްގުތައް ގެއްލިގެން ހުށަހަޅާފައިވާ 125 މައްސަލަ
މީގެ އިތުރުން ލާ އިންސާނީ އަނިޔާއާ ގުޅުން ހުރި އެއް މައްސަލަ ބަލުމްދާ ކަމަށް ރިޕޯޓުގައި ބުނެފައި ވެއެވެ.
އެޗްއާރުސީއެމް އިން ހޯމަ ދުވަހު ނެރުނު އެ ކޮމިޝަންގެ އަހަރީ ރިޕޯޓުގައި ބުނެފައިވާ ގޮތުގައި އިންސާނީ ޙައްގެއް ގެއްލިގެން، ނުވަތަ ގެއްލުމުގެ ފުރުސަތު އޮތް ކަމަށް ޤަބޫލުކުރެވޭ ޙާލަތްތަކުގައި ފަސޭހައިން ކޮމިޝަނަށް މައްސަލަ ހުށަހެޅުމުގެ ފުރުސަތު ތަނަވަސްކޮށްދިނުމަށްޓަކައި 2010 އަހަރުގެ ޖުލައި މަހުން ފެށިގެން ޤާއިމްކޮށްފައިވާ ހިލޭ ގުޅޭ ނަންބަރަށް މިދިޔަ އަހަރުގެ ޑިސެންބަރު މަހުގެ ނިޔަލަށް ޖުމްލަ 1،062 ކޯލް ލިބި 147 އާ މައްސަލަ ހުށަހެޅިފައިވާ ކަމަށް ރިޕޯޓުގައި ބުނެފައިވެއެވެ.
