އަަންނަ އަހަރު ބޭއްވުމަށް ހަމަޖެހިފައިވާ ސައުތު އޭޝިއަން ގޭމްސް ފަސްކޮށްފި
މިހާރު ނިންމާފައިވަނީ 2024 ވަނަ އަހަރުގެ މާޗު މަހުގެ ނިޔަލަށް ގޭމްސް ފަސްކުރުމަށް.
ސައުތު އޭޝިއަން ގޭމްސްގެ ތެރެއިން
އަންނަ އަހަރު ބާއްވާ ގޮތަށް ހަމަޖައްސާފައިވާ ސައުތު އޭޝިއަން ގޭމްސް ފަސްކޮށްފިއެވެ.
އަންނަ އަހަރުގެ ގޭމްސް ބޭއްވުމަށް ހަމަޖެހިފައި އޮތީ ޕާކިސްތާނުގައެވެ. ނަމަވެސް ސައުތު އޭޝިއަން އޮލިމްޕިކް ކޮމެޓީ (އެސްއޭއޯސީ)ން ވަނީ ގޭމްސް ފަސް ކުރުމަށް ނިންމާފައެވެ.
ކުރިން ނިންމާފައި އޮތް ގޮތުން އަންނަ އަހަރުގެ އޮކްޓޫބަރު މަހުގެ ތެރޭގައި ގޭމްސް ފެށޭނެއެވެ. ނަމަވެސް މިހާރު ނިންމާފައިވަނީ 2024 ވަނަ އަހަރުގެ މާޗު މަހުގެ ނިޔަލަށް ގޭމްސް ފަސްކުރުމަށެވެ. ނަމަވެސް ދެން ގޭމްސް ބާއްވާނެ ސީދާ ތާރީޚެއް ކަނޑައަޅާފައެއް ނުވެއެވެ. މި ގޮތަށް ގޭމްސް ފަސްކުރުމަށް ބޭނުންވީ ވެސް ޕާކިސްތާނުންނެވެ. ގޭމްސް ފަސްކުރުމަށް އެ ޤައުމުން ބޭނުންި ސަބަބަކީ މި އަހަރު ޗައިނާގައި ބާއްވަން ހަމަޖެހިފައިވާ އޭޝިއަން ގޭމްސް އަންނަ އަހަރަށް ފަސްވުމުންނެވެ.
އެންމެ ފަހުން ސައުތު އޭޝިއަން ގޭމްސް ބާއްވާފައިވަނީ ނޭޕާލުގައެވެ. އެއީ 2019 ވަނަ އަހަރުގެ ޑިސެމްބަރު މަހުގައެވެ. އެއަހަރުގެ ގޭމްސްގައި ރާއްޖެއިން ވެސް ވަނީ ވާދަކޮށްފައެވެ. އެ އަހަރުގެ ގޭމްސްގައި ރާއްޖެ އިން ވަނީ ރަން މެޑައްޔަކާއި، ދެ ލޯ މެޑަލް ހޯދާފައެވެ.
