ރާއްޖެ
ކޮވިޑް-19 ރާއްޖޭގެ ހާލަތު
ފާއިތުވި ހަފުތާގައި އަތޮޅުތެރެއިން އެއްވެސް މީހަކު ކޮވިޑަށް ޕޮޒިޓިވްނުވޭ
މާލެ ސަރަހައްދުން 17 މީހުން ޕޮޒިޓިވްވެފައިވޭ
އާއިޝަތު ޝިއުރާ, ރާއްޖެ އެމްވީ | 26 ސެޕްޓެމްބަރު 2022 | ހޯމަ 15:59
ކޮވިޑަށް ޓެސްޓުކުރަނީ
ފާއިތުވި ހަފުތާގައި ކޮވިޑް-19ށް ޕޮޒިޓިވްވެފައިވަނީ 38 މީހުންކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ތަފާސްހިސާބުތަކުން ދައްކައިފިއެވެ.
އެޗްޕީއޭއިން އާންމުކޮށްފައިވާ ތަފާސްހިސާބުތަކަށް ބަލާއިރު ފާއިތުވި ހަފުތާގައި މާލެ ސަރަހައްދުން 17 މީހުން ޕޮޒިޓިވްވެފައިވާއިރު އަތޮޅުތަކުން އެއްވެސް މީހަކު ޕޮޒިޓިވްވެފައެއް ނުވެއެވެ. އެހެނިހެން ހިސާބުތަކުން 21 މީހުން ޕޮޒިޓިވްވެފައިވެއެވެ. މީގެއިތުރުން ފާއިތުވި ހަފުތާގައި ހޮސްޕިޓަލްތަކުގައި އެޑްމިޓްކޮށްގެން ފަރުވާ ހޯދާފައިވަނީ ތިން މީހުންނެވެ.
އޭގެކުރީ ހަފުތާގައިވެސް ކޮވިޑަށް ޕޮޒިޓިވްވެފައިވަނީ 38 މީހުންނެވެ.
މިއާއެކު މިހާތަނަށް ކޮވިޑަށް ޕޮޒިޓިވްވީ މީހުންގެ އަދަދު ވަނީ 185،042 މީހުންނެވެ. 308 މީހުން ވަނީ މަރުވެފައެވެ.
