އިނގިރޭސި ޕްރިމިއަރ ލީގުގައި އެވަޓަންއާއި ވެސްޓް ހޭމް ބައްދަލުކުރި މެޗުން އެވަޓަން މޮޅުވެއްޖެއެވެ.
އެވަޓަންގެ ދަނޑުގައި ކުޅުނު މި ފުޓުބޯޅަ މެޗު އެޓީމުން ކާމިޔާބުކުރީ މެޗުގެ 53 ވަނަ މިނެޓުގައެވެ. މި ލަނޑު އެޓީމަށް ޖަހައިދިނީ ނީލް މޯޕޭއެވެ.
މި ނަތީޖާއާއެކު އެވަޓަން އޮތީ ހަތް ޕޮއިންޓާއެކު ތާވަލުގެ 13 ވަނާގައެވެ. މެޗުން ބަލިވި ވެސްޓް ހޭމް އޮތީ ހަތަރު ޕޮއިންޓާއެކު 18 ވަނާގައެވެ.
ޕްރިމިއަރ ލީގުގައި އާދީއްތަ ދުވަހު އާސެނަލްއާއި ބްރެންޓްފޯޑް ބައްދަލުކުރި މެޗު ކާމިޔާބުކުރީ އާސެނަލްއެވެ. އާސެނަލްއިން މެޗު ކާމިޔާބުކުރީ 3-0ންނެވެ. މެޗުގައި އާސެނަލްގެ ލަނޑުތައް ޖެހީ ވިލިއަމް ސަލީބާ، ގެބްރިއަލް ޖީސޫސް އަދި ފަބިއޯ ވިއޭރާއެވެ.
މި ނަތީޖާއާއި އެކު އާސެނަލް އެއްވަނައަށް ޖެހިލީ ހަތް މެޗުން 18 ޕޮއިންޓު ހޯދައިގެންނެވެ. މި މެޗުން ބަލިވި ބްރެންޓްފޯޑް ތާވަލުގެ ނުވަ ވަނައިގައި އޮތީ ނުވަ ޕޮއިންޓާއި އެކުގައެވެ.
