އެހެން ޕާޓީތަކުގެ އެތެރޭގެ އިންތިހާބުތަކުގައި ބައިވެރިވުމަށް މޯލްޑިވްސް ރިފޯމް މޫވްމަންޓް (އެމްއާރުއެމް) އިން ވަކިނުވުމަށް އެ ޕާޓީން އެދިއްޖެއެވެ.
އެމްއާރުއެމުން ނެރުނު ބަޔާނެއްގައި ބުނީ އެމްއާރުއެމް އަށް އިތުރު މެމްބަރުން ގުޅުމަކީ ޕަޓީން އަބަދުވެސް މަރުހަބާ ކިޔާކަމެއްކަމަށެވެ. ނަމަވެސް އެހެން ޕާޓީތަކުގެ އެތެރޭގެ އިންތިހާބުތަކުގައި ބައިވެރިވުމުގެ ބޭނުމުގައި އެމްއާރުއެމުން މެމްބަރުން ވަކިވަމުންދާކަން ފާހަގަކުރެވޭ ކަމަށެވެ.
އެހެން ޕާޓީއެއްގެ އެތެރޭގެ އިންތިހާބުގައި ބައިވެރިވުމަށް ވަގުތީ ގޮތުން ޕާޓީން ވަކިވުމަކީ ގަބޫލުކުރާ އުސޫލަކަށް ނުވާތީ، އެމްއާރުއެމްގެ މެމްބަރުން ޕާޓީން ވަކިނުވުމަށް އެދޭކަމަށް ބަޔާނުގައި ބުނެފައިވެއެވެ.
ޕާޓީތަކުގެ އެތެރޭގެ އިންތިހާބުތަކުގައި ބައިވެރިވުމަށް އެއް ޕާޓީން އަނެއް ޕާޓީއަށް ބަދަލުވުމަކީ އާންމުކޮށް ހިނގާކަމެއްކަން އެޕާޓީ އިންފާހަގަ ކޮށްފައި ވެއެވެ.
އެމްއާރުއެމްގައި މި ވަގުތު ތިބީ 3،155 މެމްބަރުންނެވެ.
