ބަޔާން ބަލިވެ ހަތަރަކަށް، އެއްވަނައަށް ޑޯޓްމަންޑް
މެޗުން ބަލިވެ ބަޔާން ވެއްޓުނީ ހަތަރު ވަނައަށް
އޯގްސްބާގް ކުޅުންތެރިން އުފާފާޅުކުރަނީ
ބުންޑަސް ލީގުގެ ޗެމްޕިއަން ބަޔާން މިއުނިކް, އޮސްބާގް އަތުން ބަލިވެ ތާވަލްގެ ހަތަރުވަނައަށް ސޮއްސާލައިފިއެވެ.
އޮސްބާގް އަތުން ބަޔާން ބަލިވީ 1-0 ނެވެ. ވިދިވިދިގެން ތިން މެޗުން އެއްވަރުވުމަށްފަހު ބަލިވެ, ބަޔާން ހަތަރު ވަނައިގައި އޮތީ ހަތް މެޗުން 12 ޕޮއިންޓާއެކުއެވެ. މެޗުގައި ބަޔާން ކޮޅަށް ހަމައެކަނި ލަނޑު ޖެހީ ދެވަނަ ހާފްގައި ބެރިޝާއެވެ. މިއީ މިސީޒަންގައި ބަޔާންގެ ފުރަތަމަ ބައްޔެވެ. ބަޔާން ހަތަރު ވަނައަށް ވެއްޓުނީ ލީގުގައި ވިދިވިދިގެން ހަތަރު މެޗުން މޮޅުނުވެ ދިއުމަށްފަހުއެވެ.
ބަޔާންއަށް މޮޅުނުވެވުމުގެ ފައިދާއާއެކު ތާވަލްގެ އެއްވަނައަށް ޖެހިލީ ބޮރޫޝިޔާ ޑޯޓްމަންޑެވެ. އެއީ 1-0 ން ޝާލްކާ ބަލިކޮށް ހޯދި ތިން ޕޮއިންޓާއެކު 15 ޕޮއިންޓް ހަމަކޮށްގެންނެވެ. ދެވަނައިގައި އޮތީ ޕޮއިންޓެއްގެ ފަރަޤަކާއެކު ޔޫނިއަން ބާލިންއެވެ.
