ފާއިތުވި ހަފުތާގައި މުޅި ރާއްޖެއިން ކޮވިޑް-19ށް ޕޮޒިޓިވްވީ 42 މީހުން
މާލެ ސަރަހައްދުން ޕޮޒިޓިވްވެފައިވަނީ 14 މީހުން
ކޮވިޑަށް ޓެސްޓުކުރަނީ
ފާއިތުވި ހަފުތާގައި މުޅި ރާއްޖެއިން ކޮވިޑް-19ށް ޕޮޒިޓިވްވީ 42 މީހުންކަމަށް, ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ތަފާސްހިސާބުތަކުން ދައްކައިފިއެވެ.
އެޗްޕީއޭއިން އާންމުކޮށްފައިވާ ތަފާސްހިސާބުތަކަށް ބަލާއިރު، ސެޕްޓެމްބަރ 4ން ސެޕްޓެމްބަރ 10ށް މާލެ ސަރަހައްދުން ޕޮޒިޓިވްވެފައިވަނީ 14 މީހުންނެވެ. އަތޮޅުތަކުން 4 މީހުން ޕޮޒިޓިވްވިއިރު އެހެނިހެން ހިސާބުތަކުން ޕޮޒިޓިވްވީ 24 މީހުންނެވެ. އަލަށް ހޮސްޕިޓަލްތަކުގައި އެޑްމިޓްކޮށްގެން ފަރުވާދީފައިވަނީ 8 މީހުންނަށެވެ.
އޭގެކުރީގެ ދެ ހަފުތާގައިވެސް ރާއްޖެއިން ކޮވިޑް-19ށް ޕޮޒިޓިވްވެފައިވަނީ 68 މީހުންނެވެ. އޮގަސްޓް މެދުތެރޭގައި މި އަދަދު ހުރީ 99ގައެވެ.
މިއަދަދުތަކާއެކު ރާއްޖެއިން ކޮވިޑް-19ށް ޕޮޒިޓިވްވީ މީހުންގެ ޖުމްލަ އަދަދު މިހާރު ހުރީ 184،966ގައެވެ. މިހާތަނަށް މިބަލީގައި 308 މީހުން ވަނީ ނިޔާވެފައެވެ.
