ފައިނަލްގެ ދެވަނަ ޖާގަ ހޯދަން އޭދަފުށްޓާ ދެކޮޅަށް ހިންނަވަރު
6 ސެޕްޓެމްބަރު 2022 | އަންގާރަ 02:51ތިންވަނަ ސެމީފައިނަލް ކުޅޭނީ ބުދަ ދުވަހު
ލަނޑު ޖެހުމަށްފަހު ހިންނަވަރު ކެޕްޓަން އުފާ ފާޅުކުރަނީ
ހިންނަވަރު ފުޓްބޯލް ޗެމްޕިއަންޝިޕްގެ ފައިނަލްގެ ދެވަނަ ޖާގަ ހޯދަން ކްލަބް އޭދަފުށްޓާ ދެކޮޅަށް ނުކުންނާނެ ޓީމަކަށް ހިންނަވަރު ސްޕޯރޓްސް ކްލަބް ވެއްޖެއެވެ.
ހިންނަވަރު ފައިނަލްގެ ޖާގައަށް ވާދަކުރަން ފުރުޞަތު ހޯދީ ދެވަނަ ސެމީފައިނަލްގައި ވެލިދޫ ސްޕޯރޓްސް ކްލަބް ބަލިކޮށްގެންނެވެ. މެޗު ހިންނަވަރުން ކާމިޔާބުކުރީ 6-0 ނެވެ. މެޗުގައި ހިންނަވަރުގެ ވިޖާހު އީސާ ދެ ލަނޑު ޖެހިއެވެ. މެޗުގެ މޮޅު ކުޅުންތެރިއަކީވެސް އޭނާއެވެ. އެހެން ލަނޑުތައް ޖެހީ ހުސެއިން އައްފާޝް, އަލީ އަޝްފާޤު, އަބްދުالله އުޝާމް އަދި އަބްދުالله މިސާލް މުޙައްމަދެވެ.
ތިންވަނަ ސެމީފައިނަލްގައި ކްލަބް އޭދަފުށްޓާ ދެކޮޅަށް ހިންނަވަރު ނުކުންނާނީ ބުދަ ދުވަހު ހަވީރުއެވެ. މެޗުން މޮޅުވާ ޓީމެއް ފައިނަލްގައި ވާދަކުރަންޖެހޭނީ ނައިފަރު ޗެލްސީއާއެވެ. ފައިނަލް މެޗު ކުޅޭނީ އަންނަ ހުކުރު ދުވަހުއެވެ.
