ދުވާފަރަށް ފުރުސަތު ގެއްލި، ނޯތު ލީގުގެ އެއްވަނަ ޑިވިޝަނަށް އުނގޫފާރާއި އަލިފުށި
ދުވާފަރަށް ތިން މެޗުން މޮޅެއް ނުލިބޭ
ދުވާފަރާއި އުނގޫފާރު ވާދަކުރި މެޗުގެ ތެރެއިން - ފޮޓޯ: އެންއެސްސީ ބިގްމޭން (އައްޔަ)
އުނގޫފާރު އަތުން ދުވާފަރަށް މޮޅުނުވެވުމުން, އެމްޓީސީސީ ނޯތު ލީގުގެ އެއްވަނަ ޑިވިޝަނުން އަލިފުއްޓާއި އުނގޫފާރަށް ޖާގަ ޔަގީންވެއްޖެއެވެ.
ދުވާފަރުގެ ފަހު މެޗުގައި އުނގޫފާރާ ވާދަކޮށް، މެޗް ނިމުނީ ލަނޑެއް ނުޖެހި އެއްވަރުވެގެންނެވެ. މިނަތީޖާއާއެކު ހަތަރު މެޗުން ދުވާފަރަށް ލިބުނީ ތިން ޕޮއިންޓެވެ. އެއީ ތިން މެޗު އެއްވަރުކޮށްގެން ލިބުނު ތިން ޕޮއިންޓެވެ. ދުވާފަރު ބަލިވީ އަލިފުށި އަތުންނެވެ. އުނގޫފާރު ވަނީ ބާކީ އެއް މެޗު އޮއްވައި ފަސް ޕޮއިންޓް ހަމަކޮށްފައެވެ. އަލިފުށިވެސް ބާކީ އެއް މެޗު އޮއްވައި ހަތަރު ޕޮއިންޓް ވަނީ ހަމަކޮށްފައެވެ. ގްރޫޕް ޑީގައި ބާކީ އޮތީ އަލިފުއްޓާއި އުނގޫފާރު ވާދަކުރާ މެޗެވެ. ގްރޫޕްގެ އެއްވަނަ ލިބޭނީ އެމެޗުން މޮޅުވާ ޓީމަކަށެވެ. އެއްވަރުވެއްޖެނަމަ އެއްވަނަ ލިބޭނީ އުނގޫފާރަށެވެ.
ގްރޫޕް ޑީގައި ވާދަކުރީ ރ އަތޮޅުގެ ތިން ޓީމެވެ. ގްރޫޕް ޑީގެ ހުރިހާ މެޗެއްވެސް ކުޅެނީ އަލިފުށީ ފުޓްބޯޅަ ސްޓޭޑިއަމްގައެވެ.
