ރާއްޖެ
ކުޑަކުއްޖަކަށް ޖިންސީ ގޯނާ ކުރި މައްސަލަ
ފިހާރައެއްގެތެރޭގައި ކުއްޖަކަށް ޖިންސީ ގޯނާކުރި މީހާ، ޝަރީއަތް ނިމެންދެން ބަންދުކޮށްފި
ޖިންސީ ގޯނާކުރި މީހާ، ޝަރީއަތް ނިމެންދެން ބަންދުކުރަން ވަނީ ނިންމާފައި
ނަޒާހަތު އިބްރާހިމް ރަޝީދު, ރާއްޖެ އެމްވީ | 27 އޯގަސްޓު 2022 | ހޮނިހިރު 10:38
ކުޑަކުދިންނަށް ކުރާ އަނިޔާ
ފިހާރައެއްގެ ތެރޭގައި ކުޑަ އަންހެން ކުއްޖަކަށް ޖިންސީ ގޯނާކުރި މީހާ ޝަރީއަތް ނިމެންދެން ބަންދުކުރަން އަމުރުކޮށްފިއެވެ.
ފުލުހުން ބުނީ، އެ މައްސަލައިގައި ހައްޔަރުކުރި މީހާ ޝަރީއަތް ނިމެންދެން ބަންދުކުރުމަށް ކޯޓުން އަމުރުކޮށްފައިވާ ކަމަށެވެ.
ފުލުހުން ބުނިގޮތުގައި މާލޭގެ ފިހާރައެއްގައި ދިހަ އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް ފުލުހުންނަށް ހުށަހަޅާފައި ވަނީ މިދިޔަ ބުދަ ދުވަހުކަމަށެވެ.
މި މައްސަލާގައި ކޯޓު އަމުރެއްގެ ދަށުން 24 އަހަރުގެ ބިދޭސީއަކު ވަނީ ހައްޔަރުކޮށްފައެވެ. އޭނާ ހައްޔަރުކޮށްފައި ވަނީ ހުކުރު ދުވަހުގެ ވަގުތެއްގައެވެ.
ފުލުހުން ގެންދަނީ މި މައްސަލަ ތަހްގީގު ކުރަމުން ކަމަށްވެސް ފުލުހުން ވަނީ ބުނެފައެވެ.
