ކޮލިފިކޭޝަަން ފުރަތަމަ މެޗުން ދެވަނަ ޑިވިޝަންގެ ޗެމްޕިއަން ބުރު ބަލި

ދިވެހި ޕްރިމިއަރ ލީގުގެ ކޮލިފިކޭޝަންގެ ފުރަތަމަ މެޗު ސުޕަރ ޔުނައިޓެޑް ސްޕޯރޓްސް (ސަސް) އިން ކާމިޔާބުކޮށް, ލީގުގައި ދެމިއޮތުމުގެ އުއްމީދު ހޯދައިފިއެވެ.

ދިވެހި ޕްރިމިއަރ ލީގުގެ ހަތްވަނައަށް ދިއުމުން ކޮލިފިކޭޝަން ކުޅެން ޖެހުނު ސަސްއިން, ކޮލިފިކޭޝަން ފުރަތަމަ މެޗު ކާމިޔާބުކުރީ ބުރު ސްޕޯރޓްސް ކްލަބާ ވާދަކޮށް 2-0 ނެވެ. މެޗުގައި ސަސްގެ ދެ ލަނޑުވެސް ޖެހީ ދެވަނަ ހާފްގައެވެ. ފުރަތަމަ ލަނޑު 50 ވަނަ މިނިޓްގައި ޖެހީ އަހުމަދު ހަމީދެވެ. ދެވަނަ ލަނޑު މެޗުގެ އިތުރު ވަގުތުގައި ޖެހީ އައިހަމް އަހުމަދެވެ. ކޮލިފިކޭޝަން ދެވަނަ މެޗުގައި މިރޭ ވާދަކުރާނީ ލީގުގެ ފުލަށް ދިޔަ ދަ ގްރާންޑޭއާއި, ދެވަނަ ޑިވިޝަންގެ ރަނަރަޕް ކްލަބް ޓީނޭޖް އެވެ. ކޮލިފިކޭޝަންގައި ވާދަކުރަނީ މިހަތަރު ޓީމެވެ.

އަންނަ ސީޒަންގެ ދިވެހި ޕްރިމިއަރ ލީގުން ފުރުޞަތު ލިބޭނީ ހަތަރު ޓީމްގެ މެދުގައި ލީގުބުރެއް ކުޅެ އެންމެ ގިނަ ޕޮއިންޓް ހޯދާ ދެޓީމަށެވެ.