އެންޑާލެޗަށް ކުޅެމުން އައި ސްޕެއިންގެ ލެފްޓް ބެކް ސާޖިއޯ ގޮމޭޒް މެންޗެސްޓަރ ސިޓީއަށް ބަދަލުވާން ނިންމައިފިއެވެ.
ޒުވާން ފުޓުބޯޅަ ކުޅުންތެރިޔާއާއި ސިޓީއާ ދެމެދު މިހާރު ވަނީ އަނގަބަހުން އެއްބަސްވުމަކަށް އާދެވިފައިކަމަށް ރިޕޯޓުތައް ބުނެއެވެ. މީގެ އިތުރުން ރިޕޯޓުތައް ބުނާ ގޮތުގައި އޭނާ ހޯދުމަށް ސިޓީއިން ގާތް ގަނޑަކަށް 15 މިލިއަން ޔޫރޯ ޚަރަދުކުރާނެއެވެ. ސިޓީއަށް ބަދަލުވާން ލިބުނު ފުރުސަތުގައި ގޮމޭޒް އެ ޓީމަށް ބަދަލުނުވެއްޖެނަމަ، އޭނާ ޖެހޭނީ ލޯނު އެއްބަސްވުމެއްގެ ދަށުން ސްޕެއިންގެ ޖިރޯނާ އަށް ބަދަލުވާން ކަމަށް ވެސް ރިޕޯޓުތަކުގައިވެއެވެ.
އުމުރުން 21 އަހަރުގެ ލެފްޓް ބެކް އޭނާގެ ސީނިއަރ ކެރިއަރު ފެށީ 2017 ވަނަ އަހަރުއެވެ. އޭނާ އެންޑާލެޗަށް ބަދަލުވީ 2021 ވަނަ އަހަރުއެވެ. އެ ޓީމަށް ބަދަލުވެ ގޮމޭޒް ވަނީ 40 މެޗު ކުޅެ ހަ ލަނޑު ޖަހާފައެވެ. މީގެ އިތުރުން އޭނާ އަކީ ސްޕެއިންގެ 21 އަހަރުން ދަށުގެ ޤައުމީ ޓީމަށް ކުޅެމުން އަންނަ ކުޅުންތެރިޔެކެވެ.
