އުފެއްދުމުގައޮލި މައްސަލަތަކެއް ހުރެގެން އުދުހުން މަނާ ކުރެވުނު ބޮއިންގ787 ޖެޓް ލައިނަރ މަތިންދާބޯޓު އަނެއްކާވެސް ޚިމަތަށް ނެރެން ތައްޔާރުވެއްޖެއެވެ.

ފެޑަރަލް އެވިއޭޝަން އެޑްމިނިސްޓްރޭޝަން (އެފްއޭއޭ) އާއި ބޮއިން ގުޅިގެން ބޯޓުތައް އިންސްޕެކްޓް ކުރުން ހަރުދަނާކޮށް ހުރި މައްސަލަތައް މިހާރުވަނީ ރަނގަޅުކޮށްފައެވެ. އަދި އެއަށް ފަހު ބޮއިންގއިން އުފައްދާ ރައްދުކޮށްދޭ މިމަރުކާގެ ފުރަތަމަ ބޯޓު ގަތުމަށް އެމެރިކާ ސަރުކާރުން ވަނީ އެމެރިކަން އެއާލައިންސްއަށް ހުއްދަ ދީފައެވެ. މިގޮތުން އެމެރިކަން އެއާލައިންސްއަށް ލިބޭ ފުރަތަމަ ބޯޓު ބުދަ ދުވަހު ލިބޭނެ ކަމަށާއި މިއީ އެޕްރިލް 2021 އަށް ފަހު ބޮއިންގއިން ކުރާ ފުރަތަމަ ޑެލިވަރީ ކަމަށްވެސް ޚަބަރުތައް ބުނެއެވެ.

އެމެރިކަން އެއާލައިންސްއިން ބޮއިންގ 787ގެ އިތުރު 42 ބޯޓަށް އޯޑަރުކޮށްފައިވާއިރު މީގެ ތެރެއިން 9 ބޯޓު މިއަހަރު ތެރޭ ހަވާލު ކުރެވޭނެ ކަމަށް ބޮއިންގއިން ބުނެފައިވެއެވެ. އަދި ކުރިޔަށް އޮތް ތަނުގައިވެސް ބޮއިންގ 787 ޑްރީމް ލައިނަރ މަތިންދާ ބޯޓު އުފެއްދުމަށް ކުރާ މަސައްކަތް އެފްއޭއޭ އާއި ގުޅިގެން ދެފުށް ފެންނަ ގޮތެއްގައި ކުރިޔަށް ގެންދާނެ ކަމަށް އެކުންފުނިން ބުނެފައިވެއެވެ. މިހާރުވެސް ބޮއިންގ 787ގެ 120 ބޯޓު އުފެއްދުމުގެ މަސައްކަތް ނިމި ޑެލިވަރީ އާއި ހަމަޔަށް ގޮސްފައިވާ އެކުންފުނިން ބުނެއެވެ.

ބޮއިންގ787 ވިއްކުން މަނާ ކުރެވުނީ ބޮއިންގގެ ކުރީގެ މަރުކާ، "737 މެކްސް" ގެ ދެބޯޓު 2018 އަދި 2019 ވަނަ އަހަރު ވެއްޓުމާއި ގުޅިގެންނެވެ.