އުތުރު ކޮރެއާ އިން އަނެއްކާވެސް މިސައިލެއް ޓެސްޓްކޮށްފި
29 މެއި 2017 | ހޯމަ 09:08އުތުރު ކޮރެއާ އިން ދަނީ ބައިނަލްއަގްވާމީ ފާޑުކިޔުންތަކާއިއެކު ވެސް ގިނަ މިސައިލްތަކެއް ޓެސްޓް ކުރަމުން
އުތުރު ކޮރެއާ އިން ދަނީ ގާތްގާތުގައި ގިނަ މިސައިލްތަކެއް ޓެސްޓް ކުރަމުން
އުތުރު ކޮރެއާ އިން ކުރު ރާސްތާގެ މިސައިލެއް ކާމިޔާބު ކަމާއެކު ޓެސްޓްކޮށްފިއެވެ.
މިއީ ފާއިތުވެ ދިޔަ ހަފްތާތަކުގެ ތެރޭ އުތުުރު ކޮރެއާ އިން ކާމިޔާބު ކަމާއެކު ކުރި ތިން ވަނަ މިސައިލް ޓެސްޓް އެވެ.
ބެލިސްޓިކް މިސައިލްގެ ވައްތަރެއް ކަމަށްވާ ސްކަޑް މިސައިލެއް އުތުރު ކޮރެއާ އިން ޓެސްޓް ކުރިއިރު، ޖަޕާނުގެ ކަނޑުގެ ސަރަހައްދަށް، އެ މިސައިލް ވަނީ 450 ކިލޯމީޓަރު ދަތުރު ކުރުމަށްފަހު ވެއްޓިިފައެވެ. މިސައިލް ޖަޕާނު ކަނޑަށް ވެއްޓުމާއި ގުޅިގެން ޖަޕާނުން ވަނީ ޝަކުވާ ވެސް ކޮށްފައެވެ.
އުތުރު ކޮރެއާ އިން ކުރި މިސައިލް ޓެސްޓާއި ބެހޭގޮތުންް އޮބްޒާވަރުން ވިދާޅުވަމުން ގެންދަވަނީ އުތުރު ކޮރެއާ އިން ދަނީ ވޯހެޑް އުފުލޭވަރުގެ މިސައިލްތައް ޓެސްޓް ކުރުމުގައި ކާމިޔާބު ތަކެއް ހޯދަމުން ކަމަށެވެ.
ނިއުކްލިއާ ހަތިޔާރުގެ އެއްވެސް ހަރަކާތެއް ހިންގުމާއި އަދި އެއްވެސް މިސައިލެއް ޓެސްޓްތަކެއް ކުރުން އުތުރު ކޮރެއާ އަށް، އދ އިން ވަނީ މަނާކޮށްފައެވެ. އެހެން ނަމަވެސް އދ ގަރާުރުތަކަށް އުތުރު ކޮރެއާ އިން މިހާތަނަަށް ބޯލަނބާފައެއް ނުވެއެވެ. އުތުރު ކޮރެއާ މައްސަލާގައި އެމެރިކާ އާއި އުތުރު ކޮރެއާގެ ގުޅުން ވެސް ވަނީ ވަރަށް ބޮޑަށް ހީނަރުވެފައެވެ.
