ށ.އަތޮޅުގެ އެއްވަނަ ފޯކައިދޫއަށް
28 ޖުލައި 2022 | ބުރާސްފަތި 06:35ފޯކައިދޫއާއި ފުނަދޫވެސް އެއްވަނަ ޑިވިޝަނަށް
ފުނަދޫއާއި ފޯކައިދޫ ވާދަކުރި މެޗުގެ ތެރެއިން
އެމްޓީސީސީ ނޯތު ލީގުގެ ށ.އަތޮޅުގެ އެއްވަނަ ފޯކައިދޫ ހޯދައިފިއެވެ.
ތިން ޓީމް ވާދަކުރި ށ.އަތޮޅުން އެއްވަނަ ފޯކައިދޫ ހޯދީ ފުނަދޫއާ ލަނޑުގެ ގޮތުން އެއްވަރުވެ, ފައިދާ ގޯލުން ކުރި ހޯދައިގެންނެވެ. މިދެޓީމްގެ އިތުރުން މިގްރޫޕްގައި ވާދަކުރީ ށ.ނަރުދޫ ރަމްޒް ސްޕޯރޓްސް އެކަޑަމީއެވެ. ނަރުދޫ ޓީމް ހަތަރު މެޗުންވެސްވީ ބައްޔެވެ. އެސޯސިއެޝަން ފޮރ ފޯކިއިދޫ ޔޫތް ޑިވެލޮޕްމަންޓާއި, ފުނަދޫ ޔުނިޓީ ސްޕޯރޓްސް އެކަޑަމީވެސް މޮޅުވީ ތިން މެޗުންނެވެ. މިދެޓީމް ފުރަތަމަ ބުރުގައި ވާދަކުރި މެޗު ކާމިޔާބުކުރީ ފުނަދޫއެވެ. ދެވަނަ ބުރުގައު ބުދަ ދުވަހު ވާދަކުރި މެޗު 4-1 ން ކާމިޔާބުކޮށް ފޯކައިދޫ ކުރި ހޯދީ ލަނޑުގެ ތަފާތުންނެވެ.
ދެވަނަ ބުރުގެ މެޗުގައި ފޯކައިދޫ ޓީމްގެ ހަތަރު ލަނޑުގެ ތެރެއިން ދެ ލަނޑު ޖެހީ އަބުދުލް މާލިކްއެވެ. އަނެއް ދެ ލަނޑު ޖެހީ އަހުމަދު ރަފީއުއާއި, މުޙައްމަދު ރިސްވާންއެވެ. ފުނަދޫގެ ހަމައެކަނި ލަނޑު ޖެހީ އިބްރާހީމް ސައީދުއެވެ. ށ.އަތޮޅުން ނޯތް ލީގުގެ އެއްވަނަ ޑިވިޝަންގެ ޖާގަ ހޯދީ ފުނަދޫއާއި ފޯކައިދޫއެވެ. ނޯތް ލީގު އެއްވަނަ ޑިވިޝަނުން ޖާގަ ޔަޤީންކޮށްފައިވާ އަނެއް ދެޓީމަކީ ހއ. ދިއްދޫ ބީއެކްސް ސްޕޯޓްސް ކްލަބާއި, ހދ. ކުޅުދުއްފުށީ ޒިގްޒެގް ފޯ ޔޫތު ލިންކޭޖެވެ.
