ޔުނައިޓެޑް ވިކްޓްރީ ބަލިކޮށް, ދިވެހި ޕްރިމިއަރ ލީގު ތާވަލްގެ ހަތަރުވަނައަށް ކްލަބް ގްރީން ސްޓްރީޓްސް ޖެހިލައިފިއެވެ.

މެޗަށް ނިކުއިންއިރު ޕޮއިންޓްގެ ގޮތުން އެއްވަރެއްގައި އޮތް ދެޓީމް ވާދަކުރި މެޗު ގްރީންއިން ކާމިޔާބުކުރީ 2-1 ނެވެ. މެޗުގެ ފުރަތަމަ ހާފްގައި ގްރީންއިން ދެ ލަނޑު ޖަހާ ލީޑެއް ނެގިއެވެ. އެޓީމްގެ ދެ ލަނޑު ކާމިޔާބުކޮށްދިނީ މުޙައްމަދު ސާއިފްއާއި, އަންސަރު އިބްރާހީމްއެވެ. އިވާން ލަނޑު ޖަހާ ޔޫވީއަށް އުއްމީދެއް ހޯދައިދިނީ 56 ވަނަ މިނެޓްގައެވެ. އެކަމަކު އިތުރު ލަނޑެއް ނުޖެހި ތާވަލްގައި ޔޫވީގެ މައްޗަށް ގްރީން ކުރި ހޯދީއެވެ.

މިމޮޅާއެކު ގްރީން ހަތަރު ވަނާގައި އޮތީ 18 މެޗުން 26 ޕޮއިންޓް ހޯދައިގެންނެވެ. ތިންވަނާގައި އޮތް ޓީސީއަށްވެސް ލިބެނީ 26 ޕޮއިންޓެވެ. ދެވަނާގައި އޮތީ 43 ޕޮއިންޓާއެކު އީގަލްސްއެވެ. މާޒިޔާ އެއްވަނާގައި އޮތީ 51 ޕޮއިންޓާއެކުއެވެ.