ރައީސް އޮފީހުގެ ޗީފް ކޮމިއުނިކޭޝަންސް ސްޓެރެޓަޖިސްޓަކަށް އިމްޖާދު ހަމަޖައްސައިފި
އިމްޖާދު މީގެ ކުރިން މަސައްކަތް ކުރެއްވީ ދިރާގުގައި
އިމްޖާދު ދިރާގު ޕްރެސް ކޮންފަރެންސްއެއްގައި
ދިރާގުގެ ޕަބްލިކް ރިލޭޝަންސް މެނޭޖަރުކަން ކުރިން ހުންނެވި އިމްޖާދު، ރައީސް އޮފީހުގެ ޗީފް ކޮމިއުނިކޭޝަންސް ސްޓެރެޓަޖިސްޓަކަށް ހަމަޖައްސައިފި އެވެ.
ރައީސް އޮފީހުން ހޯމަ ދުވަހު ވަނީ އެކަން އާއްމުކޮށްފަ އެވެ. ރައީސް އޮފީހުގެ ޗީފް ކޮމިއނިކޭޝަންސް ސްޓްރެޓަޖިސްޓަކަށް އިބްރާހިމް އިމްޖާދު ޖަލީލު ހަމަޖައްސާފައިވާ އިރު އިމްޖާދު ވަނީ ދިގު މުއްދަތެއް ވަންދެން ދިރާގުގެ މާކެޓިން އާއި ޕަބްލިކް ރިލޭޝަންސްގެ ދައިރާގައި މަސައްކަތް ކުރައްވާފަ އެވެ. އިމްޖާދު ވަނީ ދިރާގުގެ، އެކި ހިދުމަތްތައް ޕްރޮމޯޓް ކުރުމުގައި މުހިއްމު މަސައްކަތްތަކެއް ކުރައްވާފަ އެވެ.
އިމްޖާދު ވަނީ ސިންގަޕޯ މެނޭޖްމެންޓް ޔުނިވަރސިޓީން ޕޮލިޓިކަލް ސައިންސް އެންޑް އިކޮނޮމިކްސް ކޯޕަރޭޓް ކޮމިއުނިކޭޝަންގެ ދައިރާއިން ތައުލީމް ހާސިލްކޮށްކުރައްވާފައެވެ.
އިމްޖާދު ޗީޕް ކޮމިއުނިކޭޝަންސް ސްޓްރެޓަޖިސްޓަކަށް އައްޔަނުކުރައްވާފައިވާ އިރު އޭނާ އަދާކުރައްވާނެ މަސްއޫލިއްތުތަކަކީ، މީގެ ކުރިން އަލީ ހާލިދު އަދާކުރެއްވި މަސްއޫލިއްތުތައް ކަމަށް މައުލޫމާތު ލިބެ އެވެ.
އަލީ ހާލިދު އޭރު ފުރުއްވީ، ޗީޕް ކޮމިއުނިކޭޝަން އޮފިސަރުގެ މަގާމެވެ.
