ކ. މާލެ
|
17 ޖޫން 2022 | ހުކުރު 13:59
ރެވްލޯން
ރެވްލޯން
ގޫގުލް
މާސްކާ ހެދި ރެވްލޯން ބަނގުރޫޓުވެއްޖެ
މާސްކާ ހެދި މޭކަޕް ކުންފުނި "ރެވްލޯން" ބަނގުރޫޓުވެއްޖެ
 
މާސްކު އަޅަން ޖެހުމުން ލިޕްސްޓިކްގެ ވިޔަފާރި ވަރަށް ބޮޑަށް ދަށްވި ކަމަށް އެ ކުންފުނިން ބުނޭ
 
ރެވްލޯން ބަނގުރޫޓުވިކަން މިހާރު ވަނީ ފައިލްކޮށްފައި

ދުނިޔޭގެ އެންމެ ދުވަސްވީ އެއް މޭކަޕް ކުންފުނި ކަމަށްވާ ރެވްލޯން ބަނގުރޫޓު ވެއްޖެއެވެ.

އެ ކުންފުނިން ފައިލްކޮށްފައިވާ ގޮތުގައި ފާއިތުވި 2 އަހަރު ދުވަހު ވިޔަފާރިއަށްވަނީ ވަރަށް ބޮޑު އަސަރެއް ކޮށްފައެވެ. އެގޮތުން، ކޮވިޑާ ގުޅިގެން މާސްކު އެޅުން އިތުރުވެ، އެ ކުންފުނީގެ ލިޕްސްޓިކްގެ ވިޔަފާރި އެއްކޮށް ހުއްޓުމަކަށް އައި ކަމަށް ވަނީ ބުނެފައެވެ.

ރެވްލޯންގެ ހިސާބުތައް ދައްކާ ގޮތުގައި 2020 ވަނަ އަހަރު ކޮވިޑާ ގުޅިގެން އެ ކުންފުނީގެ ލިޕްސްޓިކްގެ ވިޔަފާރި ވަނީ 21 އިންސައްތަ ދަށްވެފައެވެ.

އެ ކުންފުނިން ބުނީ ބޭންކްރަޕްސީ ފައިލް ކުރުމުން 575 މިލިއަން ޑޮލަރު ލިބޭނެ ކަމަށް އުއްމީދު ކުރާ ކަމަށާއި އޭގެ ސަބަބުން ދުވަހުގެ ޚަރަދުތައް ހިފަހައްޓާލެވޭނެ ކަމަށެވެ. އަދި މިއާއެކު ކުރިއަށް އޮތްތަނުގައި ކަސްޓަމަރުންގެ މެދުގައި މަގުބޫލު އުފެއްދުންތައް ފޯރުކޮށްދިނުމުގައި ދެމިތިބެވޭނެ ކަމަށެވެ.

އެ ކުންފުނި ބަނގުރޫޓުވީ ކޮވިޑުގެ ސަބަބުން ކަމަށް ރެވްލޯން އިން ބުނި ނަމަވެސް މާކެޓް ދިރާސާ ކުރާ ފަރާތްތަކުން ދައްކަނީ ތަފާތު ވާހަކައެކެވެ. އެ ފަރާތްތަކުން ބުނާ ގޮތުގައި ރެވްލޯންއަކީ ދުވަސްވީ ކުންފުންޏަކަށްވެފައި އަލަށް އަންނަ ޓްރެންޑްތަކާ އެއްވަރެއްގައި ހިފަހައްޓައިނުލެވުނީ ކަމަށެވެ. އަދި ކައިލީ ފަދަ އަލަށް އަންނަ ބިއުޓީ ބްރޭންޑުތަކާ ވާދަކޮށް ކެޕިޓަލް ހޯދަން ނުކުޅެދިފައިވާ ކަމަށް ވެސް ވަނީ ބުނެފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
33%
0%
0%
33%
0%
33%
ކޮމެންޓް