މިއީ ޗައިނާއާއި އެމެރިކާގެ ގުޅުން އެންމެ ބޮޑަށް ހީނަރުވި ފަހަރު: ނިކޮލަސް
14 ޖޫން 2022 | އަންގާރަ 21:43ދެ ގައުމު އެކުގައި ކުރެވިދާނެ މަސައްކަތް އެބަހުރި
އެމެރިކާއިން އޭޝިއާއަށް ކަނޑައަޅުއްވާފައި ހުންނަވާ ސަފީރު ނިކޮލަސް ބާންސް
މި ދަނޑިވަޅަކީ ޗައިނާ އާއި އެމެރިކާގެ ގުޅުން 1972 ވަނަ އަހަރުގެ ފަހުން އެންމެ ބޮޑަށް ހީނަވެފައިވާ ދަނޑިވަޅު ކަމަށް އެމެރިކާއިން އޭޝިއާއަށް ކަނޑައަޅުއްވާފައި ހުންނަވާ ސަފީރު ނިކޮލަސް ބާންސް ވިދާޅުވެއްޖެއެވެ.
ނިކޮލަސް މިހެން ވިދާޅުވީ ސިންގަޕޫރުގައި ކުރިއަށްދާ ރީޖަނަލް ސެކިއުރިޓީ ފޯރަމުގައި ވާހަކަދައްކަވަމުންނެވެ. މި ފޯރަމުގައި ޗައިނާގެ އަސްކަރީ އޮފިޝަލުންވެސް ބައިވެރިވެވަޑައިގަތެވެ.
އެމެރިކާއިން ޤަބޫލުކުރާ ގޮތުގައި ޗައިނާއިން އަންނަނީ އިޤްތިސާދީ ގަވައިދާއި ޚިލާފަށް އެޤައުމުގެ ޓްރޭޑް ސެކްޓަރު ބައްޓަން ކުރަމުންނެވެ. މިކަމަށް އަލިއަޅުއްވާ ވާހަކަދައްކަވަމުން ނިކޮލަސް ބާންސް ވިދާޅުވީ، ކުދި ޤައުމުތަކުގެ އިޤްތިސާދު ބިނާ ކުރުމުގައި ގުޅިގެން ގަދަ ދެ ބާރަށް މަސައްކަތް ކުރެވޭނެ ކަމަށެވެ. އެކަމަކު މިއަދު ފެންނަން އޮތް ހަޤީޤަތަކީ ބޮޑު ބާރަކުން އެހެން ޤައުމުތަކުގެ އިޤްތިސާދު ފުނޑާލުމަށް މަސައްކަތް ކުރަމުން އަންނަކަން ކަމުގައި ބާންސް ވިދާޅުވިއެވެ.
މީގެ އިތުރުން ބާންސް ވަނީ ޗައިނާއިން ހޮންގްކޮންގެ ސިޔާސަތުގެ ތެރެއަށް ވަދެފައި އޮންނަ އޮތުން ކުށްވެރިކުރައްވާފައެވެ. އަދި ސިންޖިއާންގައި ހިންގަމުން އަންނަ ޖަރީމާ ކުށްވެރިކުރައްވާ ކަމަށްވެސް ބާންސް ވިދާޅުވިއެވެ.
