ފައިޒަރ ވެކްސިން ކުޑަކުދިންނަށްވެސް ރައްކާތެރި: އެފްޑީއޭ

ފައިޒަރއާއި ބައޯއެންޓެކުން އުފައްދާފައިވާ ފައިޒަރ ވެކްސިން ކުޑަކުދިންނަށްވެސް ރައްކާތެރިކަމަށް އެމެރިކާގެ ފުޑް އެންޑް ޑްރަގް އެޑްމިނިސްޓްރޭޝަނުން ބުނެފިއެވެ.

އެމެރިކާގެ ފުޑް އެންޑް ޑްރަގް އެޑްމިނިސްޓްރޭޝަންގެ ރިވިއުކުރާ ފަރާތްތަކުން ވަނީ އުމުރުން 6 ހަމާއި، 4 އަހަރާއި ދެމެދުގެ ކުޑަކުދިންނަށް ފައިޒަރ ވެކްސިން ރައްކާތެރިކަމަށް ބުނެފައެވެ.

މި ވެކްސިން ބޭނުން ކޮށްގެން ކުޑަކުދިންނަށް ގެއްލުމެއްވާކަން ފާހަގަވެފައިނުވާކަމަށް އެ ފަރާތްތަކުން ވަނީ ބުނެފައެވެ.

ފައިޒަރ އެންޑް ބައޯއެންޓެކުން މީގެ ކުރިން ބުނެފައިވަނީ، އުމުރުން 5 އަހަރާ 11 އަހަރާ ދެމެދުގެ ކުދިންނަށް ކުރިޔަށް ގެންދެވުނު ކްލިނިކަލް ޓްރެއަލްތަކުގައި، ވެކްސިނުން އަސަރުކުރާ މިންވަރު ހުރީ 90.7 އިންސައްތައިގައި ކަމަށެވެ.

އުމުރުން 5 އަހަރާ 11 އަހަރާ ދެމެދުގެ ކުދިންނަށް ވެކްސިން ދިނުމުގެ ހުއްދަ އީޔޫގެ ޑްރަގް ރެގިޔުލޭޓަރުންވެސް ވަނީ ދީފައެވެ. ދީފައިވީނަމަވެސް، އެކަމުގެ ފަހުބަސް ބުނާނީ ޔޫރަޕިއަން ކޮމިޝަނުންނެވެ. ރޮއިޓަރސްއިން ބުނެފައިވަނީ ހުކުރު ދުވަހު ޔޫރަޕިއަން ކޮމިޝަނުން މިކަމަށް ހުއްދަދޭނެކަމަށެވެ.

ފައިޒަރ އާއި ބައޯއެންޓެކުން ކޮވިޑް-19ށް އުފައްދާފައިވާ ފައިޒަރ ވެކްސިންގެ ތިން ޑޯޒާއެކު މިހާރު ފެތުރެމުން އަންނަ ކޮވިޑް-19ގެ އައު ވޭރިއަންޓު ކަމުގައިވާ އޮމިކްރޯން ވޭރިއަންޓުން ރަނގަޅަށް ދިފާއު ވެވޭކަން ހޯދިފައިވާކަމަށް ބޭރުގެ ނޫސްތަކުން ރިޕޯޓު ކޮށްފައިވެއެވެ.