ކ. މާލެ
|
7 ޖޫން 2022 | އަންގާރަ 02:06
ކޮވިޑަށް ޓެސްޓުކުރަނީ
ކޮވިޑަށް ޓެސްޓުކުރަނީ
ރާއްޖެއެމްވީ
ކޮވިޑް-19 ރާއްޖޭގެ ހާލަތު
ފާއިތުވި ހަފްތާ މުޅި ރާއްޖެއިން ކޮވިޑް-19ށް ޕޮޒިޓިވްވީ 84 މީހުން، އަތޮޅުތަކުން 9 މީހުން
 
ފާއިތުވި ދެ ހަފްތާގައިވެސް މާލެ އިން ޕޮޒިޓިވްވި މީހުން ވަނީ އަތޮޅުތަކަށްވުރެ މަތިވެފައި
 
މިމުއްދަތުގައި މާލެ ސަރަހައްދުން ޕޮޒިޓިވްވެފައިވަނީ 37 މީހުން

ހުސްވި ހަފްތާގައި މުޅި ރާއްޖެއިން ކޮވިޑް-19ށް ޕޮޒިޓިވްވެފައިވަނީ 84 މީހުންކަމަށް ހެލްތު ޕްރޮޓެކްޝަން އެޖެންސީ(އެޗްޕީއޭ)ން ހާމަކޮށްފިއެވެ.

އެޗްޕީއޭއިން ހާމަކޮށްފައިވާ ތަފާސްހިސާބުތަކަކީ މެއި 29ން ޖޫން 4 ވަނަ ދުވަހާ ހަމައަށް ޕޮޒިޓިވްވެފައިވާ މީހުންގެ ތަފާސްހިސާބެވެ. މިތަފާސްހިސާބުތަކަށް ބަލާއިރު މިމުއްދަތުގައި މާލެ ސަރަހައްދުން ޕޮޒިޓިވްވެފައިވަނީ 37 މީހުންނެވެ. އަތޮޅުތަކުން 9 މީހުން ޕޮޒިޓިވްވެފައިވާއިރު އެހެން ހިސާބުތަކުން ޕޮޒިޓިވްވެފައިވަނީ 38 މީހުންނެވެ. އޭގެކުރީ ހަފްތާގައި ޕޮޒިޓިވްވެފައިވާ އަދަދުތަކަށް ބަލާއިރު އެހަފްތާގައި މުޅި ޖުމްލަ 91 މީހުން ޕޮޒިޓިވްވެފައިވެއެވެ. އެއީ މާލެ ސަރަހައްދުން 40 މީހުންނާއި އަތޮޅުތެރޭ ރަށްރަށުން 24 މީހުންނާއި އެހެނިހެން ހިސާބުތަކުން 27 މީހުންނެވެ. ފާއިތުވި ދެ ހަފްތާގައިވެސް މާލެ އިން ޕޮޒިޓިވްވި މީހުން ވަނީ އަތޮޅުތަކަށްވުރެ މަތިވެފައެވެ.

ފާއިތުވި ހަފްތާ މުޅި ރާއްޖެއިން އެންމެ ގިނަ މީހުން ޕޮޒިޓިވްވެފައިވަނީ ޖޫން މަހުގެ 2 ވަނަ ދުވަހުއެވެ. އެއީ 18 މީހުންނެވެ. އެންމެ މަދުން ޕޮޒިޓިވްވެފައިވަނީ މެއި 30 ވަނަ ދުވަހުއެވެ. އެއީ 7 މީހުންނެވެ.

މާލެ ސަރަހައްދުން ފާއިތުވި ހަފްތާ އެންމެ ގިނަ މީހުން ޕޮޒިޓިވްވެފައިވަނީ ޖޫން 2 ވަނަ ދުވަހާއި ޖޫން 4 ވަނަ ދުވަހުއެވެ. އެއިން ކޮންމެ ދުވަހަކުވެސް 10 މީހުން ޕޮޒިޓިވްވެފައިވެއެވެ. އެންމެ މަދުން މީހުން ޕޮޒިޓިވްވެފައިވަނީ މެއި 30 ވަނަ ދުވަހުއެވެ. އެދުވަހު ޕޮޒިޓިވްވީ 2 މީހުންނެވެ.

އަތޮޅުތަކަށް ބަލާއިރު އެންމެ ގިނަ މީހުން ޕޮޒިޓިވްވެފައިވަނީ މެއި 29 ވަނަ ދުވަހުއެވެ. އެއީ 4 މީހުންނެވެ. ފާއިތުވި ހަފްތާ އެއްވެސް މީހަކު އަތޮޅު ތެރެއިން ދެ ދުވަހަކު ޕޮޒިޓިވްވެފައިނުވެއެވެ. އެއީ ޖޫން 1 އަދި ޖޫން 2 ވަނަ ދުވަހުއެވެ.

މިއާއެކު މުޅި ރާއްޖެއިން ކޮވިޑް-19ށް ޕޮޒިޓިވްވީ މީހުންގެ އަދަދު ވަނީ 179،837ށް އަރާފައެވެ. މިދިޔަ ހަފްތާގައި އެއްވެސް މީހަކު މިބަލީގައި ނިޔާވެފައިނުވެއެވެ. މިހާތަނަށް ރާއްޖެއިން މިބަލީގައި ނިޔާވި މީހުންގެ އަދަކީ 299އެވެ.

ވެކްސިންގެ ތަފާސްހިސާބުތަކަށް ބަލާއިރު ފުރަތަމަ ޑޯޒް ޖެހި މީހުންގެ އަދަދު ވަނީ 398،727ށް އަރާފައެވެ. ދެޑޯޒް 384،274 މީހުން ޖަހާފައިވާއިރު ބޫސްޓަރ ޑޯޒް ޖެހި މީހުންގެ އަދަދު ވަނީ 161،562ށް އަރާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް