64 އަހަރުގެ ތެރޭގައި ވޭލްސް ފުރަތަމަ ފަހަރަށް ވަރލްޑްކަޕަށް ކޮލިފައިވެއްޖެއެވެ.

ވޭލްސް ވަރލްޑްކަޕަށް ކޮލިފައިވީ ޔޫރަޕްގެ ޕްލޭއޮފް ފައިނަލްގައި 1-0 ން ޔުކްރެއިން ބަލިކޮށްގެންނެވެ. މެޗުން ޔުކްރެއިން ބަލިވީ ބައިކޮޅަށް ވަން ލަނޑަކުންނެވެ. 34 ވަނަ މިނިޓްގައި ޔާމޮލެންކޯ އަތުން ބައިކޮޅަށް ގޯލް ވަނީ ވޭލްސްގެ ކެޕްޓަން ބޭލް ފޮނުވާލި ހިލޭ ޖެހުމެއް ދިފާއުކުރަން އުޅުމުގެ ތެރޭގައެވެ. މިއީ 32 އަހަރުގެ ބޭލްއަސް ތާރީޚީ ކާމިޔާބީއެކެވެ. ކެރިއަރު ނިންމާލުމުގެ ކުރިން ވަރލްޑްކަޕްގައި ކުޅުނުގެ ފުރުޞަތު ވޭލްސްއިން ހޯދީ ބޭލްގެ ބޮޑު ދައުރަކާއެކުއެވެ. ރެއާލްއާއެކު ކުޅުންތެރިއެއްގެ ގޮތުގައި ސީޒަން ނާކާމިޔާބިވިޔަސް. ދެ ތަށި މިދިޔަ ސީޒަންގައިވެސް ރެއާލްއާއެކު ލިބުނެވެ.

ކާޑިފްގައި ކުޅުނު ޕްލޭ އޮފް ފައިނަލްގައި ބޭލް އަތުން ލަނޑު ޖަހާނެ ރަނގަޅު ދެ ފުރުޞަތެއްވެސް ގެއްލުނެވެ. މެޗުގައި ޔުކްރެއިންއިންވެސް ވަނީ ލަނޑުޖަހާނެ ރަނގަޅު ފުރުޞަތުތައް ތަނަވަސްކޮށްފައެވެ. އެކަމަކު އުނދަގޫ ހާލަތެއްގައި ޤައުމު ވަނިކޮށް, ވަރލްޑްކަޕްގެ ފުރުޞަތުވެސް ގެއްލުނީއެވެ.

ވަރލްޑްކަޕްގައި ވޭލްސް ވާދަކުރަން ޖެހޭނީ ގްރޫޕް ބީގައެވެ. އެގްރޫޕްގައި ދެން އޮތީ އިންގްލެންޑް, އެމެރިކާ, އިރާންއެވެ.