ގަޔަށް ކުޅު ޖެހީ ކާކު ކަމެއް ނޭނގެ، އެކަން ބޮޑު ކަމަކަށް ނުހަދާނަން: މެސީ

ވޯލްޑްކަޕް ކޮލިފައިންގައި ރޭ ޕެރަގުއާ އަތުން 1-0ން އާޖެންޓީނާ މޮޅުވި މެޗުގައި ހިނގި ދެބަސްވުމެއްގައި ޕްރެގުއޭގެ ކުޅުންތެރިއަކު ވަނީ އާޖެންޓީނާގެ ކެޕްޓަން ލަޔޮނަލް މެސީ ގަޔަށް ކުޅު ޖަހާފަ އެވެ.

މި ހުތުރު އަމަލުކޮށްފައިވަނީ ފޯވަޑް އެންޓޯނިއޯ ސަނަބްރިއާ ކޮށްފައިވަނީ މެޗުގެ 85 ވަނަ މިނިޓްގަ އެވެ. އެއީ ހިނގި ދެ ބަސްވުމަކަށްފަހު މެސީ އެނބުރިގަތް ވަގުތު އެވެ. މިކަމާ ބެހޭ ގޮތުން މެސީ ބުނީ އެއީ ކޮން ކުޅުންތެރިއެއްކަން އޭނާ އަށް ނޭނގޭ ކަމަށެވެ. 

ދުނިޔޭގެ އެންމެ މޮޅު ކުޅުންތެރިޔާ މި މެޗުގެ ފަހު ހާފުގައި ކުޅެން ނުކުމެ މެޗުގެ ހަމައެކަނި ގޯލު ޖެހި އެވެ. އެކަމަކު އޭނާ ބުނީ ބެންޗުން ކުޅެން އެރުމަކީ އަބަދުވެސް އުނދަގޫކަމެއް ކަމަށެވެ.

އާޖެންޓީނާގެ ކޯޗު ލަޔޮނަލް ސްކޮލޯނީ ބުނީ މެސީ މުޅިން ފިޓްނުވާތީވެ އޭނާ ލައްވައި ކުޅުވާނެ ގޮތަކާމެދު މަޝްވަރާކުރަމުންދާ ކަމަށެވެ.