ވޮލީބޯޅަ އެސޯސިއޭޝަންކަޕްގެ އަންހެން ޑިވިޝަންގައި ކްލަބް ވޮލީބޯލް ކުޅުނު ތިންވަނަ މެޗުންވެސް މޮޅުވެ, ސެމީގެ ފުރުޞަތު ބޮޑުކޮށްފިއެވެ.
ކްލަބް ވޮލީބޯލް ތިންވަނަ މެޗު ކާމިޔާބުކުރީ ޔޫތް ނިއުޖެނެރޭޝަންއާ ވާދަކޮށް ސީދާ ތިން ސެޓުންނެވެ. މެޗުގެ ސެޓްތައް ކްލަބް ވޮލީބޯލް އިން ގެންދިޔައީ 25-20, 25-22, އަދި 25-22 ނެވެ. މެޗުގެ މޮޅު ކުޅުންތެރިއަކީ ކްލަބް ވޮލީބޯލްގެ މަލްދާ މަސްއޫދުއެވެ. ކްލަބް ވޮލީބޯލްއަށް ބާކީ އޮތީ ވެމްކޯއާ ވާދަކުރާ މެޗެވެ. ވެމްކޯއަކީ ޕޫލް އޭގައި މިހާތަނަށް ކުޅުނު ދެ މެޗުން މޮޅުވެފައިވާ ޓީމެވެ. ވެމްކޯގެ ތިންވަނަ މެޗުގައި މިރޭ ނިކުންނާނީ ހިންމަފުށި ވިކްޓޯރިއަސް ސްޕޯރޓްސް ކްލަބާއެވެ.
ޕޫލް ބީގައި ދިވެހި ސިފައިންގެ ކްލަބް ވަނީ ވޮލީބޯލް ޔޫތް ނިއުޖެނެރޭޝަން އަތުން ސީދާ ތިން ސެޓުން ބަލިވެފައެވެ. މެޗުގެ ސެޓްތައް ވޮލީބޯލް ޔޫތް ނިއުޖެނެރޭޝަންއިން ގެންދިޔައީ 25-19, 15-14 އަދި 25-13 ނެވެ. މެޗުގެ މޮޅު ކުޅުންތެރިއަކީ ވޮލީބޯލް ޔޫތް ނިއުޖެނެރޭޝަންގެ ތިލިނަ ވަސަނަ ޕެރޭރާއެވެ. މުބާރާތުގައި ސިފައިން މޮޅުވީ ކްލަބް ހާފް ލިންކޭޖް އަތުންނެވެ.
