ހުއްދަނެތި އަފްޣާން ސިފައިން ޕާކިސްތާނަށް އަރާފައިވޭ
އަފްޣާންގެ 10،000 އަށްވުރެ ގިނަ ސިފައިން ވަނީ ޕާކިސްތާނުގެ ބޯޑަރު ހުރަސްކޮށްފައި
އަފްޣާނިސްތާނުގެ ސިފައިން ހަރަކާތްތެރިވަމުން އަންނަނީ
ޕާކިސްތާނުގައި ސިޔާސީ، ހަމަނުޖެހުންތައް ހިނގަމުންދިޔައިރު، އެގައުމަށް އަފްޣާނިސްތާނު ސިފައިން ހުއްދަ ނުހޯދައި ވަދެފައިވާކަމަށް ރިޕޯޓްތައް ބުނެފިއެވެ.
ޕާކިސްތާނުގެ ސިޔާސީ މަސްރަހު ގޯސްވެ އެގައުމުގެ ބޮޑުވަޒީރުކަމުގައި ހުންނެވި އިމްރާން ޚާން ވަނީ އޭރު މަގާމުން އިސްތިއުފާ ދެއްވާފައެވެ. އެކަމަކު އެގައުމުގެ އޭރުގެ ސަރުކާރުގެ ދިފާއުގައި ކަމަށްބުނެ އަފްޣާން ސިފައިން ޕާކިސްތާނުގެ ބޯޑަރު ހުރަސްކޮށްފައިވާ ކަަމަށް ރިޕޯޓްތައް ބުނެއެވެ،
ރިޕޯޓުތައް ބުނާ ގޮތުން އަފްޣާނިސްތާނުގެ 10،000އަށްވުރެ ގިނަ ސިފައިން ވަނީ ޕާކިސްތާނުގެ ބޯޑަރުން އެތެރެވެފައެވެ.
ޕާކިސްތާނުގެ އައު ސަރުކާރުން ބުނީ އަފްޣާނިސްތާނު ސިފައިން ހުއްދަހޯދުމެއްނެތި ޕާކިސްތާނުގެ ބޯޑަރު ހުރަސްކުރި ކަމުގެ މައުލޫމާތު ލިބިފައިވާ ކަމަށާއި، އެކަން ޕާކިސްތާނުގެ ޑިފެންސް މިނިސްޓްރީން ބަލަމުންދާނެ ކަމަށެވެ.
އަދި މިކަމުގައި ޕާކިސްތާނުގެ އެއްވެސް ފަރާތަކުން އަފްޣާނިސްތާނަށް އެހީވެފައިވާނަމަ އެކަން ވެސް ބަލާނެ ކަމުގައިވެސް ޕާކިސްތާނުގެ ޑިފެންސް މިނިސްޓްރީން ބުނެއެވެ.
