މިރޭ އޮންނަ ޔުއެފާ ޗެމްޕިއަންސް ލީގުގެ ފައިނަލްގެ ކުރިން ލިވަޕޫލްގެ ޑިފެންޑަރު ވެންޑައިކްގެ ބަހުގެ ހަމަލާތަކެއް ރެއާލް މެޑްރިޑްގެ ކެޕްޓަން ކަރީމް ބެންޒީމާއަށް އަމާޒުކޮށް ބުނެފިއެވެ.

ފައިނަލްގެ ކުރިން ދެ ޓީމުގެ ބައެއް ކުޅުންތެރިން ވަނީ ބަހުގެ ހަމަލާތަކެއް ބަދަލުކޮށްފައެވެ. ލިވަޕޫލްގެ މުހައްމަދު ސޮލާހު ވަނީ، މިއީ ބަދަލު ހިފުމުގެ ފަހަރެއް ކަމަށް ބުނެފައެވެ. އެކަމާ ގުޅިގެން ބެންޒީމާ ބުނީ ސޮލާހު އޯވަރ ކޮންފިޑެންޓްވެގެންހުރެ ވާހަކަ ދެއްކިޔަސް އެކަމުން ގެއްލުމެއް ނެތްކަމަށެވެ. އަދި ސޮލާހުއަށް އޭނާ ބޭނުން ވާހަކައެއް ދެއްކޭނެކަމަށެވެ.

ފައިނަލްގެ ކުރިން ވެންޑައިކް ބުނީ "އައި އޭމް ނޮޓް އަ ބޭޑް ޕްލެޔަރ މައި ސެލްފް" ކަމަށެވެ. މީގެ ހަތަރު އަހަރު ކުރީގެ ފައިނަލްގައި ލިވަޕޫލް ވަނީ ރެއާލް އަތުން ބަލިވެފައެވެ. ވެންޑައިކް ބުނީ މި ސީޒަނުގައި ބެންޒީމާގެ ފަރާތުން ފެންނަ ކުޅުން އޭނާ ބަލާކަމަށެވެ. އުންމީދުކުރަނީ ފައިނަލް މެޗަކީ ރަނގަޅު މެޗަކަށްވުން ކަމަށް ވެންޑައިކް ބުންޏެވެ. އަދި ބެންޒީމާއަކީ ކޮލިޓީ ހުރި ކުޅުންތެރިއެއް ކަމަށާއި، ބެންޒީމާއަކީ މުޅި ޓީމު ނޫން ކަމަށެވެ.

މީގެ އިތުރުން ވެންޑައިކް ބުނީ ބެންޒީމާއަކީ ރެއާލަށް މުހިންމު ކުޅުންތެރިއެއް ކަމަށެވެ. އަދި އޭނާ ރެއާލްގައި 10 އަހަރު ހޭދަކޮށްފި ކަމަށާއި، ވަކިން ޚާއްސަކޮށް މި ސީޒަނުގައި އޭނާގެ ފަރާތުން ތަފާތު ކުޅުމެއް ފެނުން ކަމަށެވެ. ވެންޑައިކް ބުނީ ޓީމުގެ އެހެން ކުޅުންތެރިންނާއެކު ޗެލެންޖަށް އޭނާ ތައްޔާރުކަމަށެވެ.

ލިވަޕޫލާއި ރެއާލް ވާދަކުރާ ފައިނަލް އޮތީ ފްރާންސްގެ ޕެރިހުގައެވެ. މި މެޗު ފަށާނީ މިރޭ ރާއްޖެ ގަޑިން 00:00ގައެވެ.