އޮޣޭލިއަން ޗުއަމެނީ ބޭނުންވަނީ ރެއާލްއަށް ބަދަލުވާން
މޮނާކޯއިން އޭނާ ދޫކުރާނީ އެންމެ ކުޑަވެގެންވެސް 80 މިލިއަން ޕައުންޑަށް
މޮނާކޯއަށް ކުޅެމުން އަންނަ އޮޣޭލިއަން ޗުއަމެނީ
އޭއެސް މޮނާކޯއަށް ކުޅެމުން އަންނަ ފްރާންސްގެ މިޑްފީލްޑަރ އޮޣޭލިއަން ޗުއަމެނީ ރެއާލް މެޑްރިޑަށް ދާން ބޭނުންވާކަމަށް ރިޕޯޓުތައް ބުނެފިއެވެ.
ޗުއަމެނީ ހޯދުމަށް ގިނަ ކްލަބް ތަކަކުން މަސައްކަތް ކުރަމުން އަންނައިރު, އޭނާ އެންމެ ބޭނުންވަނީ ރެއާލް މެޑްރިޑަށް ބަދަލުވާށެވެ. ޗުއަމެނީ ވަނީ އޭނާގެ ޓީމް މޭޓުންނަށްވެސް އެކަން އަންގާފައެވެ. ނަމަވެސް މިހާތަނަށް އޭނާ ވަކި ގޮތެއް ނިންމާފައެއް ނުވެއެވެ.
ރެއާލްގެ އިތުރުން، އޭނާ ހޯދުމަށް ޕީއެސްޖީއާއި ލިވަޕޫލުންވެސް އަންނަނީ މަސައްކަތް ކުރަމުންނެވެ. މި ތިން ޓީމަށްވެސް މިހާރު ދިމާވެފައިވާ އެންމެ ބޮޑު އެއް މައްސަލައަކީ ޓީމުގެ މެދުތެރެއިން ކުޅޭނެ ރަނގަޅު ކުޅުންތެރިއެއް ނެތުމެވެ. މި ތިން ޓީމުންވެސް އަންނަނީ އޭނާގެ އެޖެންޓާއި މަޝްވަރާ ކުރަމުންނެވެ.
ބޮޑެތި ކްލަބްތަކުން ޗުއަމެނީ ހޯދުމަށް މަސައްކަތް ކުރަމުން އަންނައިރު، މޮނާކޯއިން އޭނާ ދޫކުރާނީ އެންމެ ކުޑަވެގެންވެސް 80 މިލިއަން ޕައުންޑަށެވެ.
