ކަންކަން ބިނާވާނީ ބާސާގެ މާލީ ހާލަތުގެ މައްޗަށް: ޒަވީ

ކަންކަން ބިނާވެގެންދާނީ ބާސެލޯނާގެ މާލީ ހާލަތުގެ މައްޗަށްކަމަށް އެ ޓީމުގެ ކޯޗު ޒަވީ ހެނާންޑޭޒް ބުނެފިއެވެ.

އޭނާ މިހެން ބުނީ ބާސާގެ ބައެެއް ކުޅުންތެރިންނާ ބެހޭ ގޮތުން ވާހަކަ ދައްކަމުންނެވެ. އޭނާ ވާހަކަ ދެއްކީ ބާސާއަށް ކުޅެމުން އަންނަ ނެދަލޭންޑްސްގެ ފްރެންކީ ޑި ޔޯން އާއި ސްޕެއިންގެ ގަވީ އާ ގުޅޭ ގޮތުންނެވެ.

ގަވީގެ ޑީލާ ގުޅިގެން އޭނާ ބުނީ މި ވަގުތު އޭނާއަށް އެއްވެސް ހާސްވުމެއް ނެތް ކަމަށެވެ. އަދި ކަންކަން ވާން ވަގުތު ނަގާނެކަމަށެވެ. ޒަވީ ބުނީ އޭނާ އުންމީދު ކުރާ ގޮތުގައި މަދު ދުވަސްކޮޅެއްގެ ތެރޭގައި ވަރަށް އަވަހަށް ނިންމުމެއް ހާމަކުރެވޭނެކަމަށެވެ.

ޑި ޔޯން އާއި ބެހޭގޮތުން އޭނާ ބުނީ، ޑި ޔޯން އަކީ ބާސާއަށް ވަރަށް މުހިންމު ކުޅުންތެރިއެއް ކަމަށެވެ. އެކަމަކު ކަންކަން ބިނާވާނީ އެ ކުލަބުގެ މާލީ ހާލަތުގެ މައްޗަށް ކަމަށާއި، ވާނެ ގޮތެއް ޖެހޭނީ ބަލަން ކަމަށެވެ.

މި ސީޒަން ނިމުމަށްފަހު ބާސާގައި ތިބި ބައެއް ކުޅުންތެރިން އެ ޓީމު ދޫކޮށްލާނެއެވެ. އޭގެ ތެރޭގައި ރިކީ ޕުއިޗް، ބްރެއިތްވެއިޓް، މިންގުއެޒާ އަދި އުމްޓިޓީ ހިމެނެއެވެ.