އަންނަ މަހުން ފެށިގެން ވަކި ބާވަތްތަކެއްގެ ޕްލާސްޓިކް އުފެއްދުމާއި ބާޒާރަށް ނެރުން މަނާވާނެ
ސަރުުކާރުން ގެންދަނީ އެކި މަރުހަލާތަކަށް ބަހާލައިގެން ޕްލާސްޓިކް ބާޒާރަށް ނެރުމާއި، އުފެއްދުން މަނާކުރަމުން
ޕްލާސްޓިކް ފުޅި
ޖޫން 01 އިން ފެށިގެން ވަކި ބާވަތްތަކެއްގެ ސިންގަލް ޔޫސް ޕްލާސްޓިކުގެ ބާވަތްތައް ދިވެހިރާއްޖޭގައި އުފެއްދުމާއި ބާޒާރަށް ނެރުން މަނާވާނެ ކަމަށް މިނިސްޓްރީ އޮފް އެންވަޔަރަންމެންޓް ކްލައިމެޓް ޗޭންޖް އެންޑް ޓެކްނޮލޮޖީން ބުނެފިއެވެ.
ތިމާވެށި ރައްކާތެރިކޮށް ދެމެހެއްޓުމާއި ބެހޭ ޤާނޫނުގެ 8 ވަނަ މާއްދާގެ (ހ) ގައި ރައީސުލްޖުމްހޫރިއްޔާ ވަނީ ރާއްޖެއަށް އެތެރެކުރުމާއި، އުފެއްދުމާއި، ބާޒާރަށް ނެރުން މަނާ ބާވަތްތަކުގެ ޕްލާސްޓިކް ކަނޑައަޅުއްވާފައެވެ. މީގެ ތެރެއިން ޖޫން 01 އިން ފެށިގެން މަނާކުރެވިގެންދާ ބާވަތްތައް އެކި މަރުހަލާތަކަށް ބަހާލައިގެން މަނާކުރެވިގެންދާއިރު، ފުރަތަމަ މަރުހަލާގައި މަނާކުރެވިގެންދާނެ ބާވަތްތަކަކީ:
މީގެއިތުރުން، ދިވެހިރާއްޖޭގައި އުފައްދާ ޕްލާސްޓިކު ފުޅީގައި ބަންދުކޮށްފައި ހުންނަ ފެން އަދި ތައްޔާރީ ބުއިންތަކުގެ ބާވަތްތައް 01 ޖޫން 2022 އިން ފެށިގެން ރާއްޖޭގައި އުފެއްދުން މަނާކުރެވިގެންދާއިރު، މިތަކެތި ބާޒާރަށް ނެރުން 01 ސެޕްޓެމްބަރ 2022 އިން ފެށިގެން މަނާކުރެވޭނެއެވެ. މީގެ ތެރޭގައި ހިމެނެނީ؛
މީގެ އިތުރަށް 1 ލީޓަރާއި 1 ލީޓަރަށްވުރެ ކުދި ޕްލާސްޓިކު ފުޅީގައި ފެން ބަންދުކޮށް 2023 ވަނަ އަހަރުގެ ޑިސެމްބަރުން ފެށިގެން ރާއްޖޭގައި އުފެއްދުން މަނާކުރެވި 2024 ވަނަ އަހަރުގެ މާރިޗު މަހުން ފެށިގެން ބާޒާރަށް ނެރުން މަނާކުރެވޭނެއެވެ. މި ދެންނެވި ސައިޒުގެ ޕްލާސްޓިކު ފުޅީގައި ބަންދުކޮށްފައި ހުންނަ ފެން 2023 ގެ ނިޔަލަށް މަނާކުރެވުނު ކަމުގައި ވީނަމަވެސް، ރާއްޖޭގައި މިހާރުވެސް އުފައްދަމުންދާ 1.5 ލީޓަރު ފުޅިއާއި އެއަށްވުރެ ބޮޑު ސައިޒުގެ ޕްލާސްޓިކު ފުޅީގައި ފެން ބަންދުކޮށް ބާޒާރުގައި ލިބެން ހުންނާނެއެވެ.
