މުދާ އުފުލާ ބޯޓެއް ނައިފަރު ކަނޑުތޮއްޓަށް އަރައި ގެއްލުންވެއްޖެ
18 މެއި 2022 | ބުދަ 16:49"ދޮށި ބޯޓު" ނަމަކަށް ކިޔާ މި ބޯޓަކީ ހދ އަތޮޅުގެ ރަށްތަކާ މާލެއާ ދެމެދު ދަތުރުކުރާ ބޯޓެއް
ގެއްލުން ލިބުުނު "ދޮށި ބޯޓު"
ޅ. ނައިފަރު ކަނޑު ތޮއްޓަށް މުދާއުފުލާ ބޯޓެއް އަރައި ގެއްލުންވެއްޖެއެވެ.
މައުލޫމާތުލިބޭގޮތުގައި އެދޯނި ނައިފަރު ކަނޑުތޮއްޓަށް އެރީ އެރަށަށް މުދާ ބާލާފައި ހިންނަވަރަށް ދިއުމަށް އެރަށު ފަޅުން ނުކުންނަނިކޮށެވެ.
މި ބޯޓުގައި 30 މީހުންނަށްވުރެ ގިނަ މީހުން ތިބިކަމަށާއި، ނަމަވެސް ހާދިސާގައި އެއްވެސް މީހަކަށް ގެއްލުމެއް ނުލިބޭކަމަށް ވެސް މައުލޫމާތު ދިން މީހާ ބުންޏެވެ. ތޮށިގަނޑަށް އެރުމުގެ ސަބަބުން ބޯޓުގެ ދެ ތަނެއް ފަޅައިގެންގޮސް ދިޔަވަމުންދާތީ އެބޯޓު ފުންކޮށް އެރަށު ފަޅަށް މިހާރު ވަނީ ވައްދާފައެވެ.
އެބޯޓު ފަޅައިގެން ގޮސްފައިހުރި ހިސާބު ފެނުން ތިލަކުރުމުގެ މަސައްކަތް އެމްއެންޑީއެފްގެ އެހީތެރިކަމާއެކު ނައިފަރު މަސްވެރިން އަންނަނީ ކުރަމުންނެވެ. "ދޮށި ބޯޓު" ނަމަކަށްކިޔާ މި ބޯޓަކީ ހދ އަތޮޅުގެ ރަށްތަކާ މާލެއާ ދެމެދު ދަތުރުކުރާ ބޯޓެކެވެ. މި ބޯޓުގައި ގިނަ އަދަދެއްގެ މުދާ ހުރިކަމަށް މައުލޫމާތު ލިބެއެވެ.
