އެތުލެޓިކޯ މެޑްރިޑަށް ކުޅެމުން އަންނަ ލުއިސް ސުއަރޭޒްގެ ކޮންޓްރެކްޓް އައު ނުކުރާނެ ކަމަށް އެކްލަބުން ބުނެފިއެވެ.
ސުއަރޭޒްއާއެކު އެތުލެޓިކޯއިން ހަދާފައިވާ އެއްބަސްވުނުގެ މުއްދަތު ހަމަވާނީ ކުރިއަށް އޮތް ޓްރާންސްފާ މާކެޓަށެވެ. އެތުލެޓިކޯއިން ބުނީ ސުއަރޭޒްގެ ކޮންޓްރެކްޓް އައު ނުކުރާނެ ކަމަށާއި، ކުރިއަށް އޮތް ސަމާ ޓްރާންފާގައި ފްރީ އެޖެންޓެއްގެ ގޮތުގައި އޭނާ ބޭނުން ކްލަބަކަށް ދިއުމަށް ދޫކޮށްލާނެ ކަމަށެވެ.
އެތުލެޓިކޯއިން 35 އަހަރުގެ ސުއަރޭޒްގެ ކޮންޓްރެކްޓް އައު ނުކުރި ނަމަވެސް އޭނާ ބޭނުންވަނީ ކުރިއަށް އޮތް ތަނުގައިވެސް ޔޫރަޕުގައި ފުޓްބޯޅަ ކުޅުމަށެވެ. އެއުމުރުގައި ގިނަ ކުޅުންތެރިން ޔޫރަޕުގެ ގަދަ ލީގުތައް ދޫކޮށް އެމްއެސްލީގާއި ގުޅުނު ނަމަވެސް އޭނާގެ ވިސްނުން ހުރީ އަދިވެސް އެންމެ މަތީ ފަންތީގައި ފުޓްބޯޅަ ކުޅުމަށެވެ.
އެތުލެޓިކޯ މެޑްރިޑްގައި ސުއަރޭޒް ވަނީ މިހާތަނަށް ކުޅުނު 42 މެޗުގައި 12 ލަނޑު ޖަހާފައެވެ. މީގެ ތެރެއިން 11 ލަނޑު އޭނަަ ކާމިޔާބުކުރީ ސްޕެނިޝް ލީގުގައެވެ. އަނެއް ލަނޑު ޖެހީ ޗެމްޕިއަންސް ލީގުގައެވެ.
