ފްރާންސްގެ ނީސްއަށް ކުޅެމުން އަންނަ އިޓަލީގެ ފޯވާޑް މާރިއޯ ބަލަޓޮލީ، އިތުރު އެއް އަހަރު އެކުލަބުގައި މަޑުކުރަން ނިންމައިފިއެވެ.

ފާއިތުވި ސީޒަންގައި ނީސް ފްރެންޗް ލީގުގެ ތިންވަނަ ހޯދައި ޗެމްޕިއަންސް ލީގުގެ ކޮލިފިކޭޝަނުން ޖާގަހޯދިއިރު ބަލަޓޮލީ ވަނީ 15 ލަނޑު ކާމިޔާބުކޮށްދީފައެވެ. 2016 ވަނަ އަހަރު އޭނާ ނީސްއަށް ބަދަލުވީ ލިވަޕޫލްގައި ހުރުމަށްފަހު ހިލޭ ޓްރާންސްފާއެއްގައެވެ.

އުމުރުން 26 އަހަރުގެ ފޯވާޑް ވަނީ އޭސީ އިޓަލީގެ އޭސީ މިލާނަށާއި އިނގިރޭސި ކްލަން މެންޗެސްޓާ ސިޓީއަށް ކުޅުނު ދުވަސްވަރު މޮޅު ކުޅުމެއް ދައްކާފައެވެ. އެގޮތުން އޭނާ ވަނީ ސިޓީގައި ހޭދަކުރި 3 ސީޒަނުގައި އެޓީމަށް 20 ލަޑު ކާމިޔާބުކޮށްދީފައެވެ. އަދި އެއަށްފަހު އޭސީ މިލާނަށް ބަދަލުވެ އޭނާ ވަނީ އެކުލަބާއިއެކު ހޭދަކުރި 2 ސީޒަނުގައި 26 ލަނޑު ކާމިޔާބުކޮށްދީފައެވެ.

ބަލަޓޮލީ ވަނީ އިޓަލީގެ ގައުމީ ޓީމަށް 33 މެޗު ކުޅެދީ 13 ލަނޑު ކާމިޔާބުކޮށްދީފައެވެ. ނަމަވެސް 2014 ވަނަ އަހަރުގެ ވޯލްޑް ކަޕަށްފަހު އޭނާއަށް ގައުމީ ޓީމުން އަދި ޖާގަ ލިބިފައެއް ނުވެއެވެ.