ޖަލުތައް މިހާރަަށްވުރެ ބޮޑުކުރަން ޖެހޭކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެއެވެ.
ޕީޕީއެމްގެ ކެމްޕޭން ޙަރަކާތެއްގައި އަންގާރަ ދުވަހު ވާހަކަފުޅުދައްކަވަމުން ރައީސް ޔާމީނު ވިދާޅުވީ، މިއަދުގެ ސަރުކާރުންވެސް ޖުޑީޝަރީއަށް ނުފޫޒު ފޯރުވާ ކަމަށެވެ.
އަތް އެކަންޏެއް ނޫން، ފައި އެކަންޏެއް ނޫން، ބޮލާއި ހަށިގަނޑާއި، ހުރިހާ ތަނެއް ބާނާފައި އޮންނަނީކުރީގެ ރައީސް އަބްދުﷲ ޔާމީން
ރައީސް ޔާމީނު ވިދާޅުވީ، މި ސަރުކާރުގައި އެއްވެސް ކަމެއް އަދުލުގެ މިންގަނޑުން ފަނޑިޔާރުން ނިންމެވުމަށް ދޫކޮށްނުލާކަމަށެވެ. އެގޮތުން ފަނޑިޔާރުންގެ ތެރޭގައިވެސް އެ ފަނޑިޔާރަކަށް ކުރެވޭ ކަންކަމާމެދު ވިސްނާވަޑައިގަންނަވަން ޖެހޭ ފަރާތްތައް އެބަތިބި ކަމަށް ރައީސް ޔާމީނު ވިދާޅުވިއެވެ.
ރައީސް ޔާމީން ވަނީ އެ މާއްދާއަށް ބަދަލު ގެންނަންޖެހޭކަމަށް ވިދާޅުވެފައެވެ. އެގޮތުން ފަނޑިޔާރުން ކުރައްވާ ކަންކަމާ ފާޑުކިއުމާއި، އެ ވާހަކަތައް ނޫސްތަކުން ލިއުމާއި، ރައްޔިތުންނަށް އެ އަޑު އިއްވުމަކީ ކުރަންޖެހޭ ކަންކަންކަމަށް ރައީސް ޔާމީނު ވިދާޅުވިއެވެ. އެއްވެސް ފަނޑިޔާރަކީ އަދުލު އިންސާފު އެއްކިބާ ކޮށްފައި ސަރުކާރުތަކުން ބޭނުންވާގޮތަށް ކަންކަން ކުރައްވަން ތިއްބަވާ ބައެއް ނޫންކަމަށްވެސް ރައީސް ޔާމީނު ވިދާޅުވިއެވެ.
ރައީސް ޔާމީނު ވިދާޅުވި ގޮތުގައި ފަނޑިޔާރުންގެ މުޤައްދަސްކަން ދައްކުވައިދޭން ޖެހޭނީ އެ ފަނޑިޔާރުން ކުރައްވާ ޙުކުމުންނެވެ. އެއީ ރައްޔިތުންނަށްވެސް އިންސާފުވެރި ޙުކުމެއްގޮތުގައި ފެންނަންޖެހޭކަމަށް ރައީސް ޔާމީނު ވިދާޅުވިއެވެ. އެ ވާހަކައިގެ ތެރެއިން ރައީސް ޔާމީނު ވަނީ ބައެއް ފަނޑިޔާރުންނަށްވެސް އިންޒާރު ދެއްވައި، ޖަލުތައް މިހާރަށްވުރެ ބޮޑުކުރަން ޖެހޭކަމަށް ވިދާޅުވެފައެވެ.
ފަނޑިޔާރުންނާ ބެހޭ ގޮތުން ވާހަކަ ދެކެވެންވާނެ ކަން ފާހަގަކުރައްވާ ރައީސް ޔާމީނު އިތުރަށް ވިދާޅުވީ، ފަނޑިޔާރުގެއާއި ފަނޑިޔާރުންގެ މުޤައްދަސްކަން ކަމަށް ބަޔާންކޮށް އެ ވާހަކަތައް ނުދެއްކޭ ގޮތަށް ޤާނޫނުގައި ލިޔެފައި އޮތް އޮތުމަކީ ބޮޑު ގޯހެއްކަމަށެވެ.
ރައީސް ޔާމީން ވަނީ އިންޑިއާ އައުޓް ގޮވުން ހުއްޓުވުމާއި ގުޅޭ ޤަރާރަކީ ތަންފީޒު ކުރެވިގެންވާނެ ޤަރާރެއް ނޫންކަމަށްވެސް ވިދާޅުވެފައެވެ.
އިންޑިޔާއާ މެދު ނަފުރަތު އުފެއްދުމަށް ހިންގާ ހަރަކާތަކީ ޤައުމީ ސަލާމަތަށް ހުރި ނުރައްކަލެއް ކަމުގައި، ޤައުމީ ސަލާމަތާބެހޭ މަޖިލީހުގެ މިއަހަރުގެ 3 ވަނަ ބައްދަލުވުމުގައި ކަނޑައަޅާފައިވާކަން ބަޔާން ކުރައްވައި، ރައީސް ޞާލިޙު އެ ޤަރާރު ނެރުއްވާފައިވަނީ 21 އޭޕްރީލް 2022 ގައެވެ.
ރައީސް ޞާލިޙު އެގޮތަށް ޤަރާރު ނެރުއްވުމާއެކު އިދިކޮޅު ޕްރޮގްރެސިވް ކޯލިޝަނުން ގެންދަނީ އިންޑިޔާ އައުޓް ލިޔުމުގައި އަކުރުތައް ބަދަލުކޮށްގެން އަނެއްކާވެސް ގޭއްގޭގައި ބެނަރތައް ހަރުކުރަމުންނެވެ.
