ފާއިތުވި ދެ ހަފްތާގައި ރާއްޖެއިން ކޮވިޑަށް ޕޮޒިޓިވްވީ 312 މީހުން
މާލެ ސަރަހައްދުން ޕޮޒިޓިވްވީ 43 މީހުން
ކޮވިޑަށް ޓެސްޓުކުރުމުގެ ކަންކަން ކުރިޔަށް ގެންދަނީ
އޭޕްރީލް 24ން މެއި މަހުގެ 7 ވަނަ ދުވަހުގެ ނިޔަލަށް މުޅި ރާއްޖެއިން ކޮވިޑް-19ށް ޕޮޒިޓިވްވީ 312 މީހުންކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)ން ހާމަކޮށްފިއެވެ.
އެޗްޕީއޭއިން ހާމަކޮށްފައިވާ ތަފާސްހިސާބުތަކަށް ބަލާއިރު މީގެތެރޭގައި ހިމެނެނީ މާލެ ސަރަހައްދުން 43 މީހުންނާއި އަތޮޅުތަކުން 222 މީހުން އަދި އެހެނިހެން ސަރަހައްދުތަކުން 47 މީހުންނެވެ. މިމުއްދަތުގައި އެއްވެސް މީހަކު ނިޔާވެފައެއް ނުވެއެވެ.
މިމުއްދަތުގައި އެންމެ ގިނަ މީހުން ޕޮޒިޓިވްވެފައިވަނީ އޭޕްރީލް 26 ވަނަ ދުވަހުއެވެ. އެއީ 35 މީހުންނެވެ. އެންމެ މަދުން މީހުން ޕޮޒިޓިވްވެފައިވަނީ މެއި 6 ވަނަ ދުވަހުއެވެ. އެއީ 11 މީހުންނެވެ.
މިމުއްދަތުގައި މާލެ ސަރަހައްދުން އެންމެ ގިނަ މީހުން ޕޮޒިޓިވްވެފައިވަނި އޭޕްރީލް 26 ވަނަ ދުވަހުއެވެ. އެއީ 8 މީހުންނެވެ. ހަތަރު ދުވަހެއްގައި ޕޮޒިޓިވްވެފައިވަނީ އެންމެ މީހެކެވެ. އެއީ މެއި2ން 4ށް އަދި މެއި 6 ވަނަ ދުވަހުއެވެ.
އަތޮޅުތަކަށް ބަލާއިރު މިމުއްދަތުގައި އެންމެ ގިނަ މީހުން ޕޮޒިޓިވްވެފައިވަނީ އޭޕްރީލް މަހުގެ 25 ވަނަ ދުވަހުއެވެ. އެދުވަހު 28 މީހުން ޕޮޒިޓިވްވެފައިވެއެވެ. އެންމެ މަދުން މީހުން ޕޮޒިޓިވްވެފައިވަނީ މެއި 7ގައެވެ. އެއީ 7 މީހުންނެވެ.
މިއަދަދުތަކާއެކު ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު މިހާރު ހުރީ 179،483ގައެވެ. މިހާތަނަށް 298 މީހަކު ވަނީ މިބަލީގައި ނިޔާވެފައެވެ.
ވެކްސިންގެ ތަފާސްހިސާބުތަކަށް ބަލާއިރު ފުރަތަމަ ޑޯޒް ޖެހި މީހުންގެ އަދަދު ވަނީ 398،597ށް އަރާފައެވެ. ދެޑޯޒް 383،980 މީހުން ޖަހާފައިވާއިރު ބޫސްޓަރ ޑޯޒް ޖެހި މީހުންގެ އަދަދު ވަނީ 159،008ށް އަރާފައެވެ.
